周國賢收到女Fans嘅PM,表示自己由《目黑》已經鍾意佢,仲話陀大女嗰陣有去聽佢演唱會,「有啲唐突想同你分享我個女今日份中文功課」,點解無啦啦要同個偶像分享自己個女嘅功課呢?因為好笑,真係好好笑。
女Fans PM周仔同佢Share囡囡份爆笑功課。
Fans囡囡上中文堂,老師要佢用堅硬呢個形容詞嚟造句,佢就咁寫:「周國賢有很堅硬的肌肉,因為他辛辛苦苦做運動。」網民都睇到大笑,何況擁有堅硬肌肉嘅當事人。Fans解釋:「因為疫情關係呢幾個月喺屋企不停Loop你嘅歌,我屋企2個小朋友都已經變咗你Fans,估唔到連做功課有你嘅蹤影。」
HAHAHAHAHAHAHAHAHAHAH。
呢張相睇唔出周仔啲肌肉有幾堅硬。
周國賢收到份功課笑到癲,開心Share表示,「而家啲小學生嘅文學造詣,真係令我『罕』感動。」仲話為咗未來社會棟樑好難唔而家就即刻去做尖(Gym),網民睇得好開心,仲提議周國賢下首歌可以叫《堅硬的肌肉》。
呢張啲肌肉好似硬啲。
周國賢前助手捲入借錢風波!
歌手周國賢(Endy)近年被周姓前男助手藉其名義到處借錢,據指周姓前男助手先後向多位圈中藝人、幕後工作人員及粉絲埋手,以周國賢之名借錢,每次要求借出數千元至數萬元。
周國賢前助手到處借錢
經理人公司貼出離職啟示
周國賢為富二代歌手
周國賢更新了IG限時動態
周國賢
周國賢於IG限時動態分享了其公司三大文化的一則離職啟示:「周劍雄先生(Mr. Chow Kim Hung, Anthony)前為本公司兼職宣傳人員,已於2022年10月1日離任,今後周劍雄先生在外之一切華洋轇轕,概與本公司及歌手藝人(林一峰、周國賢、糖妹)無關,本公司將不承擔任何責任。如有損害本公司及歌手藝人的聲譽,本公司將保留法律追究權利。特此聲明。三大文化啟 2024年3月27日」
三大文化貼出一則離職啟示
消息指,周國賢的周姓前男助手曾以家人患病的名義向他及其經理人公司借錢,成功借獲6位數字的金錢。其後,經理人公司得悉周姓前男助手對外宣稱自己被拖欠薪金後,便於2022年將他解僱。