*

其他文章
張維為剖釋中國全過程民主:「整體利益黨」可帶領人民長遠發展 香港不應作文明衝突的前哨

霸戲哥之日常#203 │ 投訴之都

尋那個他真的很興奮。由方東昇主持嘅TVB節目《尋人記II》今晚播出,首集主角、人稱「元祖級投訴王」嘅安仔登場。以往尋人主角,都係由方東昇率領黃曉瑩、李曉欣同黃靖婷捐窿捐罅摑出嚟,今次安仔反客為主自動送上門。

投訴王安仔唔係浪得虛名,自詡「元朗特首梁安國」,三十多年來一直與政府各部門交涉,例必鍥而不捨咁投訴到滿意為止,好多高官都買佢怕。節目入面,方東昇同佢落一轉街市,有檔主夾道歡迎半賣半送,有檔主當佢鬼見愁避之則吉。一個咁爭議性嘅人,究竟投訴係為咗自肥?抑或為咗公義?節目冇下定論,看倌自行判斷。

香港係公認嘅「投訴之都」,少少事都投訴一餐,但其實好多投訴個案唔係為咗公義,唔係為咗啖氣,而只不過係「搵着數」。就以送外賣為例,大把西客以「倒瀉湯」為由投訴,其實只係想賺coupon,或者呃免費餐食。

但點解一個城市會有咁多投訴?又點解投訴人往往都攞到着數?呢個反而係霸戲哥最想知。

《尋人記II》逢星期四、五晚上10點半喺翡翠台播出。

霸戲哥

** 博客文章文責自負,不代表本公司立場 **
Tags: