MIRROR柳應廷拍劇獲贈打氣生果盒 《百萬同居計劃》造型激似卡通人物

MIRROR隊中「唱歌擔當」柳應廷（Jer），近日忙於拍ViuTV新劇《百萬同居計劃》，早前見他跟一同有份演出的隊友盧瀚霆（Anson Lo）等人，在主題公園內拍外景，而Jer的柳柳粉（Fans暱稱）得知他忙個不停，昨日向劇組送上生果盒及奶茶等飲品，而Jer在IG限時動態貼出短片，見他即場拆開生果盒的樣子，及後Jer又貼出自拍照及現場樂隊伴奏的片段，他tag上地點同是主題公園內，可見劇集有不少場景也在該處拍攝。

Jer（右）日前跟Anson Lo （中）在主題樂園拍外景。

柳柳粉向劇組送上生果盒。

Jer當然會食埋一份。

Jer劇中一身斯文造型早前曝光，有柳柳粉形容他竟跟經典卡通片《我們這一家》中主角「花帶桔」撞髮型，的確Jer的金髮兩邊同樣飛起，跟花帶桔的確實十分相似，同樣鬼咁可愛。除了忙拍《百》劇外，近日Jer又跟另一位隊友呂爵安（Edan）一同拍攝新戲《死屍死時四十四》，明天兩人還一同出席開鏡拜神，可謂忙個不停。 

Jer貼出自拍大頭相。

柳柳粉指Jer的劇中髮型跟《我們這一家》中花帶桔（左）好似喎。

咁又真係幾鬼似花帶桔（右）。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。