落選港姐霍穎璇投身保險界 林作澄清聘請女下屬唔係睇樣

林作近年由律師界轉戰保險界，出位言行備受網民關注，旗下幾位女下屬亦因為外表甜美而成為大家的焦點。近日林作嘅團隊又有新女加入！佢竟然仲係舊年由林作媽媽提名參選港姐的霍穎璇（Bronte），令不少網民都留言表示羨慕，又笑問林作的正印女友裕美會否因此無掟企：「裕美仲頂到幾耐」？

去年經林作媽提名參選港姐嘅霍穎璇（Bronte），加入林作的保險經紀團隊，日日行程滿滿。

林作和裕美曾被爆在海外簽紙結婚，但卻死口不認。

林作媽媽其實一直都唔係太妥裕美⋯⋯

裕美今次大鑊了？

Bronte芳齡才20歲，模特兒出身的她被林作媽媽盛讚有麥明詩咁聰明靚女，仲被提名埋選港姐。面試當日Bronte更以一身白色晚裝現身，散發Pure氣質，可惜最後無緣28強。不過，最近她在林作的介紹下入行做保險經紀，見妹在IG分享呢排工作見客的檔期滿滿，看來有人照住，事業發展相當不俗。

當時港姐面試林母公開表態提名的Bronte做新抱更好，並差遣裕美陪對方面試。

可惜Bronte唔入28強。

至於，早前被公開的林作「女女」 的Jasmine Tang，在今年3月加入團隊後，IG粉絲人數火速由約1千2百人急增至目前近1萬人。可惜有網民爆出靚女Jasmine其實已是31歲的人妻，而且為人很冇禮貌，待客之道令人不敢苟同。

林作旗下的保險經紀仲有人妻Jasmine Tang，但佢嘅待客態度被批惡劣。

對於女下屬的高顏值受到外界高度關注，林作今日就在IG發文澄清請人唔止睇樣：「兩年來，我收過嘅絕對靚女，不少過10位。但絕大部份係花瓶而已，冇任何成就，我一早炒曬/隔離開曬。你地目前見到嘅正菜，成績卓越嘅原因唔係因為靚。留得低嘅，係因為夠tough。連登仔受唔起嗰隻。我入黎呢行就係要培養最tough最強大嘅保險人。正定唔正，唔重要。」

林作近年唔做律師，轉投保險界。

林作又追擊舊愛麥明詩？

「十優港姐」麥明詩（Louisa）與盛勁為（Keith）早前連辦幾場「勁甜麥」婚宴，與一大班親朋好友分享喜悅，連麥明詩前男友林作的媽媽王莉妮亦有到賀，而林作則在前度貼出婚紗照後，即公開與裕美的婚紗照，疑似追擊舊愛。昨日（4月1日）愚人節，林作再貼出婚紗照，並高調宣布「我地決定要搞婚禮了！」更表示要在18區都舉辦婚宴，引起網民熱議。

麥明詩與盛勁為早前連辦幾場「勁甜麥」婚宴，麥明詩前男友林作的媽媽王莉妮都有到賀。

王莉妮還有在IG分享與麥明詩的合照。

林作則在麥明詩貼出婚紗照後，即公開與裕美的婚紗照，疑似追擊舊愛。

林作則在麥明詩貼出婚紗照後，即公開與裕美的婚紗照，疑似追擊舊愛。

林作於幾日前便在IG分享與裕美拍攝婚紗照的花絮，並留言：「倒數」，昨日再在IG公開兩張婚紗照，留言道：「本人及和田裕美欣然宣佈：我地決定要搞婚禮了！這次，我們參照目前的潮流，決定將會在今年內全港18區每區每個禮拜舉行一次婚禮，邀請在當區居住或者工作的親朋好友，及任何想課金參與盛宴的網友們，共同見證盛事。每場婚禮，都會邀請李龍基大哥擔任演唱嘉賓，融合他近期的酒樓演唱會風格，務求做到商業價值最大化。本人希望，可以做到全年霸佔網絡公共資源，煩死網民們，每場婚宴都有新的大龍鳳角度，務求長做長有。謝謝大家的祝福！」

林作在愚人節再貼出婚紗照。

高調宣布「我地決定要搞婚禮了！」更表示要在18區都舉辦婚宴。

由於林作出PO的日子是愚人節，而且他在文中只提及「搞婚禮」，而不是「結婚」，所以大部分網民都覺得他是講笑，「希望你唔好用1/4係愚人節呢啲咁X嘅藉口又話唔搞」、「決定搞婚禮，但唔簽紙注注（註）冊？」、「四月一號結婚 ?_? 唔知信唔信你好」、「搞婚禮only，唔係結婚」、「咁大個人仲4月1號講笑」、「又不是真的結婚！影嚟做乜？」更有人指林作因為麥明詩結婚而受到刺激，「睇嚟mmc結婚真係刺激到你、人哋搞婚禮搞到咁高興你又要喺呢個時候抽水去搞婚禮，難得你阿媽開咗綠燈就快啲結，你阿媽叫你快啲生個孫比佢玩啊。anyway 祝你早生貴子同美美白頭到老。」

當事人之一的裕美未有出PO或轉發林作的帖文。

林作間中就在IG分享婚紗照。

林作間中就在IG分享婚紗照。

林作間中就在IG分享婚紗照。