馮志豐突以私人理由向商台辭職稱去法國深造暫別《十八樓C座》

2022年05月21日18:20 最後更新: 19:55

80年代童星馮志豐，一直擔任商台長壽廣播劇《十八樓C座》的監製兼聲演「孻表叔」的馮志豐，近日突然以私人理由辭職。商台回覆傳媒時透露他仍會以客席主持身份主持《一台好戲》及《細路強》，但《十八樓C座》則由陳聰接棒其監製職位，《光明頂》的監製工作亦會交由其他同事接任。

商台FB專頁出Post，透露「孻表叔」暫別《十八樓C座》。

《十八樓C座》是商台的長壽廣播劇，馮志豐（右二）身兼節目監製及聲演「孻表叔」。

商台昨日在Facebook專頁出Post，指要跟「拉（孻）表叔」說再見，對方要暫別去法國深造。商台亦有剪輯「孻表叔」的暫別錄音，並轉述他對聽眾說的話：「各位周記街坊，我要暫別去法國深造嘞！青山常在，綠水長流，我哋有緣再會。掛住我就聽下《一台好戲》同《細路強》嗰個主持馮志豐啦！佢把聲同我差唔多㗎咋！」金剛聲演的「周老闆」在劇中叮囑他：「我而家嚴厲警告你，你去到法蘭西嗰邊，千祈唔好衰俾人睇，要話俾當地人聽，我哋香港嘅茶餐廳文化係掂嘅、係Very Good嘅，而家我哋為咗拉表叔飲杯，祝佢一路順風。」

- 閱讀更多 -