過馬路切忌心急！有網民昨日（21日）在社交媒體Facebook群組上載一段車Cam片段，當中可見，片主駕車沿尖沙嘴加拿分道行駛，至與金巴利道交界停下讓行人過路，此時一名手持電話的女子疑因急步行而「差錯腳」，但在即將仆倒之際卻能短暫穩住平衡，盡力跨步向前進，雙手水平向後伸直、上身前傾，惟跨出4步後最終仍在另一邊跌倒在地。
視頻截圖
片主事後在帖文幽默「評述」事件，形容「絕冇插水之嫌，難度分9.8」，並提醒一眾網民要「小心過馬路」。不少谷友都指涉事女子的姿勢激似日本動漫作品《火影忍者》中角色的奔跑步法「火影跑」，紛紛留言表示「佢只係突然想火影跑」、「火影嚟咗香港」，亦有人打趣指「呢個時候應該有個霸道總裁，從車上落嚟，用居高臨下嘅眼神問：『小姐，妳無事嘛？』」、「推頭」、「起飛失敗」、「衝線咁款」、「影相啱啱贏過馬鼻，99倍冷馬跑第一」。
視頻截圖
不過亦有網民認為片主情況其實相當危險，「睇住車嚟都衝，快兩步就快一生，有時害埋司機，某幾區啲人過馬路老奉慢行，有啲直頭唔睇燈彈出，真心唔抵爭」，又有人指香港路面不太平坦，行走間容易發生危險，「間中會有少少凸起，只係睇你踢唔踢正凸起個位」。
視頻截圖
影片來源：「車cam L（香港群組）」FB
一名女子疑因急步行而「差錯腳」，在即將仆倒之際盡力跨步向前進，雙手水平向後伸直、上身前傾，姿勢激似「火影跑」。FB影片截圖
