深水埗診所亂開「免針紙」 豁免180日收近8000元

疫情持續，政府推出「疫苗通行證」，市民進入指定表列處所時必須符合特定疫苗接種規定。有市民向《東張西望》報料，揭發有深水埗診所醫生疑違規向市民開「免針紙」並收取天價費用。

深水埗診所免檢查開「免針紙」。《東張西望》影片截圖

一名市民Kelly於3月初確診，當時致電衛生署申報呈報快測陽性結果，電話卻未能打通。Kelly康復後，因「疫苗通行證」將推行，她在朋友的介紹下去了一間位於深水埗診所，希望向醫索取新冠染疫後的康復證明書。該名醫生以她尚未上報衛生署為由，表示無法發出證明，隨後更向她推銷，可以用「另一方式」代為開「免針紙」。

Kelly(左)指該名醫生向她推銷可開「免針紙」。《東張西望》影片截圖

Kelly引述該名醫生稱，可以身體不適如心臟問題等為由，發出「免針紙」，惟該名醫生未有替Kelly做任何身體檢查或索取病歷，而且在發出報告後，醫生即場向她索取5,500元。Kelly聞言就以沒有現金拒絕，後來醫生即時減價表示可以打折收4,600元，並要求先付600元現金，餘額則利用轉帳方式繳付。

發出報告後，醫生即場向Kelly索取5,500元。《東張西望》影片截圖

《東張西望》的製作組先利用「放蛇」致電於診所，對方表示可發「免針紙」，但必須親身到診所，「由三千幾到八千幾都有」，並強調要帶現金。隨後製作組派員到該診所「睇病」，醫生稱以「敏感」為原因便可出「免針紙」，亦沒有要求需詳細檢查後才可以發出。當問及價錢時，該醫生則稱，「收$350診金；豁免3個月，90日，收$3,800；豁免180日，$7,800」，並指可以現金或銀行過數方式繳付金額。

該醫生稱豁免180日，收7,800元。影片截圖

《東張西望》的製作組其後再派另一名幕後人員到診所，假稱家人因不想打針，想幫助他索取「免針紙」，惟醫生拒絕，「咁樣開唔到，要有個原因」、「有啲用敏感（豁免理由）」， 並指不需進行詳細檢查。

醫生稱以「敏感」為原因便可出「免針紙」。《東張西望》影片截圖

最後《東張西望》主持人利穎怡及攝製組表明身份到診所採訪，該名醫生即發惡並指罵攝製組，「請你哋出去，我會報警」， 更用手機拍下《東張西望》工作人員的樣貌。製作組及後去信醫委會，醫委會則指不會評論個別事件，並表示市民若有疑問，可以去信投訴有關事件。

該名醫生發惡並指罵《東張西望》攝製組。《東張西望》影片截圖

該名醫生用手機拍下《東張西望》工作人員的樣貌。《東張西望》影片截圖

黎寬怡表示：「如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

TVB節目《東張西望》上周一連數日報道一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。事件曝光後掀起廣泛討論，負責追訪事件的「東張女神」黎寬怡（貓仔）近日就挺身而出，拍片為一眾受害少女平反！

黎寬怡連日追訪風化案KOL事件。

一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。

事件曝光後掀起廣泛討論，，黎寬怡近日拍片為一眾受害少女平反！

黎寬怡在IG分享以「貓仔有話兒」為題的影片，同時親述及撰長文解答觀眾的疑問：「唔知道大家最近有冇睇東張西望？近一連四集出咗一個姓謝嘅男仔，佢用咗唔同嘅方法，誘騙啲女仔上佢屋企，進行性行為。呢一個個案喺網上面引來好多嘅討論，好多人都講緊點解啲女仔會咁傻？隨便就上一個男仔個屋企？咁多受害人，但係佢哋都冇人肯報警？所以呢條片會講返少少關於我同嗰啲女仔接觸過後，得出幾睇法。不過我知道呢條片應該都會引來好多嘅反對聲音。如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

親述及撰長文解答觀眾的疑問。

接着，黎寬怡將觀眾的四大疑問「點解啲女仔好似咁容易就上陌生人嘅屋企？」、「點解好似啲女仔咁容易就同一個男仔發生性行為？」、「咁多受害人，但係佢哋都冇人肯報警？」，以及「點解我哋東張西望會大做呢個case，但係又冇幫啲受害人報警？」逐項列點解釋。

點解啲女仔好似咁容易就上陌生人嘅屋企？

黎寬怡舉出其中兩個案例，「其中一個個案係，因為佢諗住同呢個男仔去做義工，諗住個男仔都係好有愛心，但係因為臨時大病，所以先會臨時甩底。個男仔同個女仔講到自己病得好嚴重，叫佢買藥上佢屋企，所以個女仔就上咗個男仔屋企擺低藥；另外一個個案就係喺網上面識咗好一段時間，都傾咗差唔多成半年。諗住大家真心係真心做好朋友，甚至真係諗住發展男女關係，先會應約佢上咗個男仔屋企。」

Q1. 點解啲女仔好似咁容易就上陌生人嘅屋企？

黎寬怡續指，訪問過的受害人大多在疫情期間發生，「有係嗰段時間拍拖拖嘅朋友，都知道疫情期間出邊，又的確係冇乜太多消遣嘅活動。彷彿上一個人嘅屋企，好似都係好常態嘅事。」而且男方經當強調家中有很多動物要照顧，以及媽媽都在家中，「大家都覺得上一個男仔屋企，佢媽咪又喺度，咁應該都好安全。所以好多女仔都冇乜戒心，就上咗個男仔屋企。」

點解好似啲女仔咁容易就同一個男仔發生性行為？

黎寬怡認為，很多家長平時為工作賺錢養家，因而甚少時間陪子女，令子女感覺缺乏愛和關心；又或者有些家長並非不願抽時間陪子女，而且平日都以責備及責罵的方式育兒，甚少說關心、噓寒問暖的話，所以當眼前突然出現一名對自己事事關心又甜言蜜語的男子，就會令少女們誤以為是「愛」，加上成長過程中可能少見父母之間有戀愛式的互動，令她們與得有身體接觸才是被愛，是甜蜜的事，又或者被灌輸「愛需要付出才可換來」，她們會覺得作出性行為或能換取男方更愛惜自己，「好多女仔唔知道自己身體其實好重要，亦都好寶貴…理所當然咁，就付出咗，去獻比個男仔。」

Q2. 點解好似啲女仔咁容易就同一個男仔發生性行為？

黎寬怡又指，案件中有受害者只得是13、14歲的小女生，拍拖經驗不多，父母及學校亦沒有提供太多戀愛及性教育，「而且可能喺我哋平時睇好多電影裏面，都係講啲男女主角大家有好感，好快就會有啲『性』嘅情景出現咗。係咪大家拍拖其實都會做咁樣嘅行為呢？所以好多女仔就會因為咁樣，而同個男仔發生咗關係。」而且受害人普遍身形比較瘦弱，當面對身形又比較龐大男子，就算嘗試作出反抗，其實有的確幾難走得甩。

咁多受害人，但係佢哋都冇人肯報警？

黎寬怡表示，不少受害人為上過謝先生屋企而感自責，「佢哋覺得點解自己當初咁蠢？點解自己會送上門呢？點解自己唔識保護自己？自責到覺得自己做所有嘢都係錯，覺得自己遭受到咁嘅經歷都係抵死，做咩要報警呢？明明錯嘅就係自己。」而另一個重要的原因是除了在後樓梯被非禮的受害者，大部份受訪的女事主都被偷拍或明拍過性愛片，「試問幾多個有片喺男仔手，佢又點敢輕舉妄動，難道佢就唔擔心個男仔公開啲性愛片？」她相信不少受害人都未有告知身邊親友，所以如果報案可能要承受被更多人知道的風險，為避免被謾罵、嘲笑及再揭開多年瘡疤，才選擇不報案。

Q3. 咁多受害人，但係佢哋都冇人肯報警？

點解我哋東張西望會大做呢個case，但係又冇幫啲受害人報警？

黎寬怡解釋：「因為程序上係需要受害人自行去報警，雖然報案係有佢嘅必要性。第一，姓謝嘅男子需遭到法律嘅制裁，第二，係避免喺呢段時間再添加更多嘅受害者。但係我哋亦都唔能夠去『迫』任何一個受害人去報案。我哋將呢個個案擺上枱面，並唔係幻想希望啲人去網絡欺凌個男仔。因為我哋好想話俾其他唔知情或者以為得自己一個面對緊呢啲情況嘅受害人講：你唔係唯一一個！如果你真係需要幫忙，我哋都會陪你。」

Q4. 點解我哋東張西望會大做呢個case，但係又冇幫啲受害人報警？

最後，黎寬怡向一眾受害少女表示：「過咗去嘅事，的確係冇辦法擦咗去重寫，但係我哋好想話俾你哋聽，你哋係被愛！」並盼望大家不再受威脅、自責，未來要好好愛惜自己，世上的確有不少渣男及壞蛋，但亦有許多好男人存在，「正常嘅戀愛 係唔會逼你去用性愛去維繫！亦都唔會喺『性』方面唔尊重你！例如話：其實都冇鍾意拍片或者影色情相嘅大前提之下，強迫你去做呢件事！健康嘅愛 係唔會委屈自己！亦都唔會傷害到任何人！包括你、包括個男仔、或者包括其他嘅人！」

雖然黎寬怡坦言知道自己勇出說出這些想法必定會遭到批評和攻擊，但面對部份網民的惡意批評，她都忍不住在IG Story反擊，「躲在假帳戶背後攻擊他人，對他人、對自己的生命又有何益處呢？不過我最終都選擇了拍片分享，對於現在收到的負面留言，我絕不後悔。」

黎寬怡坦言知道自己勇出說出這些想法必定會遭到批評和攻擊。

但面對部份網民的惡意批評，她都忍不住反擊。