盛傳計劃搞20周年紅館騷 Twins自爆：根本冇申請！

女團Twins今年成軍21周年，一直盛傳她們去年有計劃搞20周年紅館騷，Twins去年網上直播《TIME live 超現場 TWINS 20 愛你週年慶生會》，都表示希望首場在紅館開鑼，本來想申請今年4月的檔期，但未能如願，及後再重新入紙申請今年5月開騷，不過睇嚟都係冇成事。加上由新年開始本港疫情不穩，Twins在內地的工作又一單接一單，檔期根本就唔到，紅館騷計劃Hold咗大半年，香港Fans都盼今年可以開個Delay 20周年紅館騷，不過大家可能又要失望嘞！

Twins成軍21年。

本來有計劃開20周年紅館騷。

近日Twins於內地拍攝競賽真人騷《乘風破浪》，Twins在錄影空檔直播，被Fans問及幾時開返個20周年紅館騷，她們表示：「今年一定趕唔切，因為根本就沒有申請，紅館檔期好難拎！」有內地Fans建議拍完《乘風破浪》直接在內地開巡唱先，不過內地疫情同樣不穩，應該都冇乜可能。另外不少Fans都表示：「會繼續等」、「實在不行就30周年再開吧」、「等通關再開也好」。

Twins近日忙於拍攝內地真人騷。

Fans願意等待。

Gigi的歌迷表示如果換代言人就不再幫襯餐廳！

歌手炎明熹（Gigi）早前獲邀為大家樂擔任代言人，演唱會更獲得餐廳全力贊助，不過代言人之位就疑似被取代，引起不少Gi炎粉的不滿！

炎明熹（Gigi）代言工作被Twins取代？

廣告歌《好想約你》唱到街知巷聞。

今日（3月27日）餐廳官方社交平台突然換上Twins的照片，並留言說：「【大家樂 X TWINS 破天荒合作？！】下一站唔一定係天后，仲可以係大家樂！Twins 蔡卓妍&鍾欣潼首次同大家樂合作，究竟會帶嚟咩新火花呢！好快登場㗎喇，呢幾日記得mon住我哋呀！ 」

餐廳仍然是Gigi九展演唱會的贊助。

雖然餐廳未有交代是否正式更換全新代言人，但Gigi的粉絲已經相當激動，紛紛留言表示不滿：「點解要換人？」、「還我Gigi」、「咁炎明熹呢？」、「如換代言不會再幫襯」等，不過亦有人反應正面：「Gigi係福將，加埋Twins簡直如虎添翼，Gigi加Twins生意肯定再上一層樓」。

Twins成為餐廳新代言人。