賀入行20年關心妍下月紅館開騷 老公任最高防疫「衛生組長」

入行經已20年的關心妍（Jade）將於6月4日及5日在紅館舉行《關心妍“約”20週年演唱會2022》，目前關心妍緊密進行綵排，Jade表示已準備就緒，但騷期迫近難免有啲緊張：「因為時間唔多，所以綵排都唔係好多次，唯有次次排歌都當開騷咁做，真係好刺激啊！而囡囡心心上台表演呢一Part終於有啲眉目，因為我搵朋友借咗啲瑜珈墊，咁就可以完成佢嘅夢想喺台上打筋斗。」

關心妍綵排時唱得好投入。

當正係開騷咁唱。

近日Fans不停網上留言估嘉賓，更提議不同的歌曲點唱，Jade就話難滿足大家：「嘉賓唔會太多嘅，總之有男有女啦，因為我個騷想自己唱。我估到時Fans會喺位度嗌出嚟點唱，但係我都會盡量睇時間，唔會畀個騷超時嘅，因為唔係有好多錢，唔好搞到主辦畀人罰錢啦 。」

關心妍好重視今次演出。

關心妍囡囡心心會喺台上表演打筋斗。

雖然疫情緩和，但關心妍仍不敢掉以輕心，用最高防疫規格作準備：「因為我哋要對觀眾負責，依家真係好驚自己病，所以都謝絕晒所有探班、打氣，而老公楊長智每日都會去我所到之處消毒、擺晒消毒機，佢係呢個騷嘅衛生組組長，有佢喺度我都好放心。」

關心妍相當期待《關心妍“約”20週年演唱會2022》。

老公擔任「衛生組組長」幫手消毒。

關心妍為下月紅館個唱最後綵排 老公擔任「衛生組組長」幫手消毒

關心妍日前在廣州完成《約》22周年演唱會，全場爆滿之餘，囡囡更自薦做嘉賓！

呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」

關心妍（Jade）日前在廣州舉行《約》22周年演唱會。

囡囡心心自薦做嘉賓！

因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」

全場爆滿！

Jade以新歌衫登場。

母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」

Jade透露簽約新唱片公司(中國SONY)，希望給歌迷有新的感覺。