新歌包辦曲詞編連MV畫作 姜文杰搵埋老竇秦沛一齊Rap

多才多藝！

姜文杰（Benji）曾與妹妹姜麗文自資唱作組合「Benji and Lesley 」，橫掃不少樂壇新人獎；最近Benji重返樂壇，一口氣炮製三首新歌《La La La》、《遺臭萬年》和《HongerLand》，除了曲詞編是其一人包辦，就連MV中的一系列8-Bit卡通人物都是出自他的手筆，認真多才多藝。

觀看相關影片按連結：https://youtu.be/uvwGFqd49z8

Benji從小已經對8-Bit動畫着迷，今次MV嘅動畫全部由佢創作。

乜都係由Benji一手包辨，好犀利！

當中最令人驚喜，是Benji竟然「出賣」爸爸Paul哥（秦沛），在Paul哥不知情的情況下，將爸爸的聲線加入《La La La》歌曲當中。Paul哥變身本地Rapper，Rap出：「睇唔到佢哋以前嗰種理想，嗰種衝勁，記住當初係為咗乜嘢事去奮鬥嘅。」Benji更在歌詞中自嘲是「窮鬼」，還攞所謂「拖鞋飯」風氣開玩笑，內容十分有趣。而這首歌就趁住爸爸「5.17」的76歲生日推出，Benji笑說：「我老竇好巴閉架，每年有三個生日要慶祝，一個係西曆6月26號，一個係生日出世農曆5月17號，另仲一個就前幾日嘅西曆假農曆5月17號，唔好問點解，但佢都係要慶祝嘅，哈哈哈。」

老竇Paul都有份Rap一段，好勵志！

姜文杰同妹妹姜麗文曾自資唱作組合「Benji and Lesley 」，Paul畀好大自由度。

剛在二月結婚的Benji，今年又跟李璨琛成立的製作公司開拍劇集《心靈師》，與林明禎、何啟華（阿Dee）等合作，Benji表示阿Dee亦很支持他回歸樂壇。至於MV中設計的卡通造型，是否想打入近期大熱的NFT市場？Benji斷言否認：「當嗰啲做NFT嘅人，都唔太清楚自己做緊乜嘅時候，我都係專心繼續做好自己嘅作品好嘞。」他自言從小已經對8-Bit動畫着迷，純粹是藝術創作。

原來做咗Rapper，Paul哥都唔知。

親情最重要！

廖碧兒（Bernice）的前度盧啟賢最近新聞多多，繼早前遭狙擊後，又有張玉珊大方認愛以及為對方抱不平，令廖碧兒一度成為話題，但正在溫哥華放暑假的廖碧兒樂得自在，爭取時間探望生命中的兩位「爸爸」，大享親情樂。

正在溫哥華放暑假的廖碧兒樂得自在。

廖碧兒於社交平台貼文及分享與父親，以及曾在劇集《和味濃情》和《心花放》戲中飾演「爸爸」的秦沛聚舊的照，她留言：「到了溫哥華，見了爸，也見了爸，人大了，親情最重要」。

廖碧兒樂回加拿大探望兩位「爸爸」。

廖碧兒於2000年參選溫哥華華裔小姐競選奪得冠軍後，於2001年參選國際華裔小姐競選再奪魁。期後加入無綫電視達10年之久，曾是無綫的當家花旦。她曾經與劉愷威及陳豪拍拖，2011年離開無綫。2018年跟盧啟賢交往，最終分手收場。

廖碧兒於2001年參選國際華裔小姐競選奪得冠軍。

廖碧兒加入無綫電視達10年之久，曾是無綫的當家花旦。

廖碧兒早前完成碩士課程，回加拿大卑詩大學出席畢業禮。

廖碧兒於2017年就考獲國際品酒認證Level 3資格，也是一家紅酒酒莊的主人。