社會事
一名小童在旺角朗豪坊的玩具店「kkplus」，挨跌價值逾5萬元「天線得得B」Laa Laa公仔，事件引起各界熱議。曾任律師的林作當然亦無放過今次「抽水」機會，發文指小童的家長可以即場拒絕賠償，又藉機賣廣告稱向他購買保險，可以順便提供法律意見。
朗豪坊。網圖
林作在社交網站連發數帖評論事件，認為「家長完全有得打，根本可以即場拒絕賠償，並邀請商家向家長提出控告，反正區區幾萬元，只能上小額錢債」，又稱「如果當年你有同我幫個仔買教育基金，今日你出事，就會第一時間打俾我問我點算。你打俾個律師friend都可能唔得閒睬你，但係我嘅工作就係睬人，所以我一定會即場幫你拆掂佢。咁妳就唔洗破財啦！」
林作。網圖
他又稱，「賭幾多都得，個家長一定會攞番錢。我一定會為民請命」。不少網民留言稱「等睇你表演」、「係囉，點會少咗你呢，冇可能架！」、「突然間覺得你讀law有啲用。至少幫到小市民。好過做保險」。
林作。網圖
林作出po抽水賣保險 ，網民：你讀law有啲用。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
