一名5歲男童在旺角朗豪坊的玩具店「kkplus」，挨跌逾5萬元的「天線得得B」Laa Laa公仔，事件引起網民熱議。九巴也加入「抽水」行列，「九巴仔」指自己「份量十足，唔易跌」，不過「挨住九巴仔最好溫柔啲」，不少網民留言「抽得好」、「關公好波」，更有網民讚「九巴仔可愛」。
資料圖片
九巴在社交平台發表帖文「九巴仔份量十足 唔易跌」，叫大家「估下九巴仔幾重？」，又指要講個秘密「畀大家知聽」，就是「愛你幾深咪幾重囉」，直言「咁有份量，邊個挨幾時挨都好穩陣㗎」。不過九巴仔亦表示，「挨住九巴仔最好溫柔啲」，又提醒大家搭緊巴士時「就唔好亂咁挨啦」，要記得緊握扶手。
資料圖片
不少網民大讚九巴仔「抽得好」、「靚抽」、「九巴仔太可愛」、「太肉麻了吧」。
資料圖片
涉事小童的媽媽在網上發文稱，前日（22日）帶小朋友參觀玩具店時，無留意小朋友只顧參觀展品，突然聽到好大聲，「轉身個公仔爆哂頭，個員工第一句就話我個仔踢個公仔」。與店鋪商議後，她和丈夫決定即時賠償3萬元了事。然而，隨後在看到網上流傳片段後，才發現店員所述與實際發生有很大出入。另外，小童的爸爸接受電台訪問時指，店員「冇屈我個仔踢跌公仔，但誤導咗我哋」，又指因為今次事件，仔仔今日向學校請假。小童的父親又指，仔仔回家沿途在車上「呆晒， 一句嘢都冇講過」，後來仔仔問了他3次「點解個公仔咁恐怖」。
FB圖及九巴FB圖
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
