一口氣跳唱3首歌 Anson Lo冇綵排都冇「甩碌」

MIRROR「教主」盧瀚霆（Anson Lo）昨晚（24日）跟張天賦（MC）、馮允謙、許廷鏗、 Serrini、陳蕾及Dear Jane等，一同演出《CHILL CLUB Keep Going》演唱會。Anson Lo近日拍ViuTV新劇《百萬同居計劃》，由於太忙的關係，他在未有綵排下打頭陣演出，Anson Lo以一身黑色的型仔西裝造型登場，甫出場即引得台下叫聲震天。雖然無綵排，但他跳唱3首快歌也毫無難度，還首度在台上演繹《Mr. Stranger》，令一眾「神徒」（fans暱稱）興奮萬分。

雖然冇時間綵排，但教主演出完全冇問題。

Anson Lo以演唱會的主題「Keep Going」分享說：「最近呢4年，特別係去年，令我有好深刻感受，隨住做得愈耐，愈發現人生每日都有好多唔同嘅問題出現，但必須要繼續堅持，因為呢個課題係永遠唔會完，要堅持先可以向前望，希望大家一齊努力。而『Keep Going』仲有一個好深嘅課題，就係溝通，亦係由去年至今，我同身邊工作人員、家人、隊友一起學習嘅最大課題。」繼而再以熱爆歌曲《Megahit》與觀眾溝通，引得全場叫聲震天！

甫開場一口氣唱出3首快歌，炒熱全場。

完成演出後，Anson Lo隨即回歸劇組開工，但他不忘在社交網貼圖留言給神徒：「希望大家喜歡今（昨）晚的表演，一連3首快歌實在是很有挑戰性！！現在要趕回去拍劇做『燈仔』，跟自己說聲~ 奸巴爺 #舞台的感覺真的好奇妙！」

演出完後即回劇組開工，但不忘在社交平台向神徒派福利。

同場的MC也以主題分享感受，指追夢的途中如有一絲懷疑或怠慢，就會離夢想和想爭取的東西愈遠，因此無論前路有多少阻礙與艱辛都要Keep Going，指這是一個非常勉勵的詞語。

MC叫大家追夢千其唔好慢。

同場還有Serrini，一身橙裙加大帽，好搶眼。

陳蕾

馮允謙

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。