娛圈事
苑仔謂：「投資幾錢做生意就唔講啦，最緊要有冇『錢途』。」
苑瓊丹近年專注內地發展，日前她在港有份投資的超級市場開幕，但苑仔未能回港參加開張儀式，因此透過網上直播「現身」與其他股東齊齊切燒豬，苑仔謂：「投資幾錢做生意就唔講啦，最緊要有冇『錢途』，我睇好前景就夾份囉！疫情期間超市生意都好好，因為大家都留屋企食飯，睇準需求就有得賺，嚟緊我哋班股東都會開拓自動販賣機市場，希望都有作為。」
苑仔因在內地，只能透過網上直播參加自己有份的超市開幕禮。
好識得捉緊「錢」途。
自從新年後北上發展，苑仔與一向表現極之低調的老公，已有數個月未見，她坦言不會叫老公幫忙管理生意，指二人財政獨立「各有各搵」，苑仔謂：「有人問我係咪夫妻分隔兩地，老公見唔到我太得閒，所以開檔嘢畀佢忙吓？傻嘅，我理得佢忙定得閒，而家我都忙到踢晒腳，仲搞啲咁嘅嘢？佢真係悶到發癲又掛住我嘅，咪嚟陪吓我囉，佢肯為我隔離，呢個就係愛嘅表現啦！」
稱跟老公財政獨立。
近月來苑仔都在內地工作。
苑瓊丹表示：「正所謂人一世物一世，試吓做公主都唔錯。」
新春將至，一向顧家的苑瓊丹返港準備過年，更向大家宣布近日獲頒「公主」名銜，笑言要老公下跪請安，「大家叫我做『石榴公主』我都幾開心嘅，如果去大馬等地，申請埋老公做埋拿督，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」
苑瓊丹獲頒「公主」名銜。
苑仔笑言要老公下跪請安，又要買頂皇冠獎勵自己。
早前傳出苑仔「息影」，依家仲「升呢」做公主，但係佢就冇諗住退休，仲話好鍾意工作：「我唔係『息影』，只係唔拍住！佢地分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」
苑仔直言好鍾意工作，無諗住「息影」。
講到新年願望，苑仔笑言收山唔會爆製「小公主」，專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』」。
苑仔同大家拜個早年！
