Skip to Content Facebook Feature Image

婆婆攜孫仔食米線慶生唔夠錢 地盤工仗義結賬獲讚

愛心傳承

婆婆攜孫仔食米線慶生唔夠錢 地盤工仗義結賬獲讚
愛心傳承

愛心傳承

婆婆攜孫仔食米線慶生唔夠錢 地盤工仗義結賬獲讚

2022年05月26日 18:56 最後更新:15:39

社會無情,人間有情。日前有網民聲稱見到一宗好人好事,一名地盤工人伸出援手,幫助一名帶孫仔食米線慶生日的婆婆,事後該網民將事件放上社交平台,引來一眾網民熱烈讚好。

婆婆帶孫仔食米線慶生唔夠錢,地盤工仗義付款獲讚。

婆婆帶孫仔食米線慶生唔夠錢,地盤工仗義付款獲讚。

有網民於facebook群組「香港米線關注組」發文,指昨日到深水埗食米線,期間見到一名老婆婆帶同年約10歲的小朋友入內用餐。該名網民形容該名小朋友一入內已表示雀躍及開心,原來該名老婆婆帶孫仔食米線慶祝生日。當時婆婆向職員落單,要求一碗淨酸辣米線,惟職員表示「淨米線我哋唔可以轉湯底」。

資料圖片

資料圖片

網民指婆婆「個樣就好愁」,然後向職員表示「唔該你呀,我孫仔好鍾意食呢度嘅酸辣湯」,又指自己僅得20元,小聲請求對方通融。期間附近一名地盤工人上前向職員表示「幫佢叫一碗過橋酸辣米線,我幫佢埋單」,然後離開。

該名網民大受感動,慨嘆稱:「喺好多人眼中一碗唾手可得嘅米線,突然變得咁奢侈,喺一間米線鋪原來除咗食到酸味麻味辣味,仲食到苦澀味同人情味」。

資料圖片

資料圖片

帖文一出後,旋即引來大批網民讚好及分享,大讚地盤工人是暖男及真漢子,「估唔到呢啲好似幾廿年前嘅情境會喺今日嘅香港睇到」、「社會無情 人間有愛」、「好多地盤哥哥都好好心地」、「仗義每多屠狗輩,古人嘅說話絕少有錯!欣賞呢位暖男地盤哥哥」、「好有人情味」、「好多職安真漢子都鐵漢柔情勝過黎明」。不過,亦有網民質疑帖文的真確性,但隨即被一名網民留言回覆「總有人會唔相信故事嘅真實性而有所懷疑,但並唔代表唔會發生呢啲事!大家未遇過呢啲情景,唔該唔好立亂話作故仔」、「真假唔重要,大家以後遇到做多啲咪一樣咁美好」。

來源:facebook群組「香港米線關注組

資料圖片

資料圖片

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章