近年港人環保意識上升，有積極參與環保的女網民在「親子王國」討論區發文，指打算接收一個二手衣櫃重用，但同居男友卻大為反感，令她思考應否堅持己見。而其他網民就奉勸兩人早日分手。
資料圖片
發文者表示，跟男友拍拖半年，她是環保支持者，經常拿舊物垃圾去回收箱，有物品會放上二手網站賣或者送出。家中需要傢俬都會先看二手網站，但男友並非環保支持者，從來不會做這些循環再用回收行為。
示意圖。資料圖片
近日發文者與男友同居了，要個衣櫃，「我在二手網睇中咗個，我同佢講想耍，可安排人手去搬，又唔使佢錢又唔使佢搬，佢都reject我，話呢啲咁貼身嘢唔想用陌生人二手嘢」。
發文者說，她當然可買新，但我本身性格就是這麽提倡環保，她於是請教網民「我去拿，佢唔高興，我唔拿，我唔高興，可以點解決？」
環保支持者與男友因為用不用二手衣櫃問題而鬧翻。示意圖片
不少人就勸告分手，「而家都唔夾點相處一世」、「成間屋樣樣嘢都係二手，你男友就得你一時就唔到你一世，你應該搵返環保友一齊先啱」、「勉強無幸福，揾個環保男友仲實際」
資料圖片
有網民就認為男友合理，「好老實，我唔係環保人，唔鍾意用二手嘢，相識嘅人還可以，陌生人一定NO。」有人就指，「但係真係有人抗拒用陌生人嘅二手嘢佢無問題；你環保亦無話錯。問題係一定要有人妥協，否則點行落去」。
轉載自《同男友有分歧，你堅唔堅持自己？》
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
