「海鮮檔Alton」教路揀靚蜆靚沙白 分享烹調白酒焗沙白貼士

最近掀起街市Mirror熱，有網民發現葵盛的海鮮檔有一個貌似Mirror成員Alton及MC張天賦的員工，青靚白淨、斯斯文文，被稱為「海鮮檔Alton」，引來熱議。記者到街市訪問海鮮檔Alton揀靚海鮮及烹調海鮮的貼士。

如何揀靚花甲、沙白及蜆？

首先，海鮮檔Alton分享揀靚花甲、沙白及蜆的心得。他指花甲與蜆有分別，花甲會有半開口及閉口，由於花甲很多時需要開口呼吸吐沙，合口的花甲有機會代表死了。他平時會搖晃開口的花甲聽聲，如果花甲死了，聲音會比較空洞。至於合口的花甲，一般難以靠搖晃聽講得知它們是生是死，而且打開它們的口，通常全部都是泥。因此，他建議大家盡量揀半開口的花甲會較新鮮。

另外，市面普遍有售的鳳紋貝、沙白及沙蜆大多數都是閉口狀態，反而如果它們開了口，代表已死，而且這3種貝類海鮮死了會傳出惡臭，如大家不介意，不妨嗅嗅有沒有異味。

清洗及吐沙方法

雖然以上的貝類海鮮的特色不同，不過清洗及吐沙方法都是一樣。海鮮檔Alton建議大家煮食前30分鐘才用鹽水及少許油浸泡，畢竟淡水加鹽與真正的海水不同，如太早處理會令它們死亡。而加入鹽水及少許油，可以令它們因缺氧而不停開合吐沙。

推介白酒焗沙白簡易食譜

浸泡30分鐘後，就可以烹調了。海鮮檔Alton平時十分喜歡下廚，他通常會煮白酒焗青口，而他為大家推介一個煮出鮮甜沙白的簡易食譜——白酒焗沙白，方法跟白酒焗青口一樣，廚藝不精的朋友都可以輕易做到！

炮製沙白菜式非常簡單。

材料

沙白 1斤
蒜頭 2瓣

番茜 2棵

白酒 100毫升

牛油 20克

車里茄 6粒

事前準備

一、蒜頭切粒。

二、番茜葉切碎、莖切粒。

三、車里茄對半切開。

四、沙白加鹽及少許油，浸泡吐沙30分鐘。

做法

一、燒熱鑊加油，爆香蒜頭後，加入番茜莖。

二、加入沙白及車厘茄，炒約20秒。

三、加入白酒，蓋上蓋煮3分鐘。

四、當見到沙白都開了口，加入番茜葉碎及牛油。

五、熄火等2分鐘左右即成。

海鮮檔Alton專訪【按此】

海鮮檔Alton教煎魚蒸魚貼士【按此】

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」