工作曾受盡冷言冷語 丁子朗化之為動力學懂職場必殺技

24歲的TVB「小鮮肉」丁子朗最近接受陳敏之的個人頻道訪問，談到當年以19歲之齡參加香港先生成為三料亞軍後入行，雖然不乏演出機會，但非一帆風順。

丁子朗同陳敏之、高海寧係同一個經理人，因為一次一齊去睇演唱會而熟絡。

子朗直言一開始亦遭家人反對，因當年他入大學一年便放棄學業由加拿大返港追夢，他說：「爸爸有講過，話呢行好多人銀行戶口幾廿蚊，又要自己租屋企，你唔係諗住我support到你40歲呀？不如我畀到你25、6歲，當供你讀大學。」

父母曾反對丁子朗發明星夢，擔心窮到戶口冇錢。

不過，子朗希望能靠自己闖出一片天：「我讀大學都有做part time，有用私己錢。最開心入行2、3年時父母嚟過香港探我，我可以畀到家用，畀咗啲港紙佢哋使，唔想衰畀佢哋睇，你個仔喺香港唔係話撈得好掂，但過到活。知道入行後條路係漫長嘅，都希望最終係凱旋回歸。」

丁子朗原來都有半年冇工作，去考保險牌。

不過，子朗亦曾遇過迷失期，有近半年幾乎零工作，在朋友建議下去考保險牌，他自言是一個「一定要做嘢嘅人」。

曾被工作人員粗口問候。

而工作上亦曾受盡冷言冷語，但反而成為自己未來的動力，他說：「大家以為我好醒目，又做過大騷主持，但試過有一次我拍劇，臨尾收廠28、29（凌晨4、5點），爭我一個笑容，佢要我笑，因為嗰時真係唔識做戲，我就係做唔到，笑唔得好，大家都好炆，大家等緊我。（即係唔合佢心意？）係，導演話不如嚟多次，現場就有一個工作人員就話，你擘大個口大家就收工啦！佢鬧我（有冇粗口？）一、兩個字，所以就覺得嘩。（咁你咪好傷心？）好傷心呀嗰下，但呢一件事好好，令我記得到而家，令我每一刻返工嘅時候，都唔會阻大家收工，呢個係我希望做到嘅嘢，第二就係你做得唔好係會令其他人受罪。」

就係因為唔識笑，搞到阻人收工，丁子朗之後就更加發奮圖強。

丁子朗身材高大，仲有腹肌，之後仲擔正做男一與余德丞拍《青青不要臉》。

丁子朗拍劇唔識笑遭粗口問候 學懂職場必殺技：唔好阻收工

丁子朗近日分享了兩張手持電話的宣傳照，惹來外貌再進化疑雲。

26歲的丁子朗於2016年參選港男入行，加入TVB以來一直受力捧，但自他參加《亞洲超星團》以來，一改以往陽光大男孩的形象，妝容及髮色便經常成為網民討論的焦點，雖然日前參加盛勁為與麥明詩的婚禮時，他已染回黑頭髮及不再化濃妝，回復參賽前的模樣，但之後他分享了兩張手持電話的照片，卻令他的外貌再度備受關注。

丁子朗早參加《亞洲超星團》，但造型照一公開，網民已不太接受。

之後再染了金髮。

令他的外表經常成為網民討論的焦點。

丁子朗日前參加盛勁為與麥明詩的婚禮時已染回黑頭髮及不再化濃妝。

回復參賽前的模樣。

丁子朗在IG貼出兩張手持電話的照片，並發文為手機品牌宣傳，相中可見他五官精緻不少，雙眼炯炯有神，而且鼻子更又高又挺，其中一張更見到他的食指又幼又長，疑似P圖過度，相當詭異！

側面認唔出。

手指被P圖P到好長。

不少看過照片的網民都表示認不出是丁子朗，紛紛留言：「點解又唔同咗樣」、「你是誰？ 除咗整咗個鼻。應該仲整其他嘢。而家個側面完全唔識佢」、「我唔討厭丁丁，但希望外貌唔好再進化，再靚仔又如何？都唔係最真嘅你」、「專心工作，唔好再整個樣啦」、「係唔係我錯覺，個樣又進化咗？同出租家人個樣差好遠」、「而家個側面完全唔識佢」、「AI樣嚟嘅？」但也認為丁子朗樣貌改變只是化妝的功效，「點會係整容，最多都係化妝技術超強，唔好睇小化妝嘅威力」。