有熱心市民昨日協助一名視障人士移除手上黏附住的香口膠，並批評時下的人缺乏公德心及衞生意識。
資料圖片
網民在「香港討論區」發文，指昨日早上去港鐵站時見到有位視障人士落樓梯, 除了用白杖之外亦扶住扶手慢慢落。正當網民思考了一下應否扶他落樓梯, 突然間見到他一隻手不太自然，好像有異物黏住隻手,見對方晃動該隻手，原來有人將一塊香口膠黏貼落扶手處。
網民形容對方「之後個先生痴咗（香口膠）係自己隻手上面, 睇佢個樣似係唔知係啲咩痴住隻手所以有啲啲驚。幸好唔算太多人可以幫佢慢慢處理嚿香口膠，我畀咗張濕紙巾同佢抹下手再畀埋淨低個幾張濕紙巾」。
設計圖片
網民批評難以理解現在的人仍然不注重衞生, 現在人人戴住口罩按理不會在街上無緣無故脫下口罩再黏住香口膠或者吐香口膠落地。網民又指，「你真係想吐咗嚿香口膠又冇紙巾你都可以痴係自己個口罩上面, 點解要周圍痴呢? 就算唔係盲人因為要用扶手落樓梯而痴到, 咁都會有小朋友/企唔穩嘅人需要用扶手, 真係估唔到呢個年代仍然有人係咁唔衞生囉！」
有失明人士落樓梯時不小心被香口膠黏附住隻手。示意圖片
有網民留言認為應該要仿效新加坡立法禁止銷售香口膠，也有網民稱「我都見過商場的扶手梯 樓梯膠帶上有鼻屎，上到酒樓一直唔自在」。
網民批評亂吐香口膠的人缺乏公德心。示意圖片
帖文轉載自「而家D人咁唔衞生...」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
