第五場三班泥地千八米。我就揀「無心睡眠」做重心,佢上仗早段均速而馳,貼住內欄有遮擋,沿途都走勢暢順,去到接近臨出彎,然後逐漸移岀外欄望空,直路上愈跑愈起勁,最終衝入季軍,只是負於「好好心得」同「浪漫組合」,表現非常討好。今次賽前再試閘磨一磨,而且又排一檔起步,只要發揮得好,今次加程跑千八都有機會贏馬。配腳我揀「浪漫組合」同「華卓晴」。

第八場三班千二米。我就鍾意「時時歡呼」,佢今季跑同程未甩三甲,表現準繩。上仗早段跟前走,出彎後走勢有點左搖右擺,結果亦得季軍。今次復課繼續密密操,狀態保持良好,只要騎師在末段發力拿捏得好,有力完成季內三捷。配腳我揀「好玩福星」同「識贏」。
B女