葛斯齊爆大S懷胎九月時曾被推倒 兌現承諾直播公開汪小菲偷食照片

拎出照片前，葛斯齊先跟網民聊天。有網民質疑他收了大S錢做事，他即時否認：「大S有沒有請我做？沒有，大小S平時不怕狗仔，但當事情爆出來成熱話時，她們不會來說，不怕錄音嗎？」另外，有網民問到汪小菲是否真的跟黑人（陳建州）打架。葛斯齊即爆猛料，說他們打架是因為大S去做產檢的小問題。原來當時大S懷孕9個月，他們因為一些事吵起來，小S上前要求姊夫汪小菲不要欺負大S，卻被汪小菲動手打她，更把她拖倒在地上。懷孕9個月的大S看不過眼想阻止老公，卻也被推在地上，黑人才出手打汪小菲，而范瑋琪（范范）就在一旁目擊事件並大叫。

葛斯齊指汪小菲曾動手推小S及當時懷孕9個月的大S，因此被黑人打。

黑人之前被張蘭罵他曾打汪小菲。

葛斯齊直播中還一共曝光3張照片。第一張就已經勁爆，相中汪小菲於卡拉OK房內與一名女子擁吻，該女子嘅手就放喺汪小菲嘅下體位置！在第2張照片可見，汪小菲靠在一名女子身旁，汪小菲嘅司機竟躺在旁邊嘅沙發上，而相片嘅拍攝場所就在大S與汪小菲之前位於北京嘅住所。葛斯齊認定相中嘅司機知道唔少汪小菲偷食嘅內情。相中嘅窗子更有一名長髮女子嘅倒影，葛斯齊認為呢位女子就係拍呢張相嘅人，但佢唔肯定拍攝者是否就係爆料人。葛斯齊鬧爆汪小菲：「你應該要想想，你做了甚麼人家要拍你？」

葛斯齊曝光了3張照片。

葛斯齊第一張照片中，汪小菲與一名女子親熱，女子的手更在汪小菲下體位置。

第二張照片可見汪小菲帶女回到與大S的住處。

汪小菲的司機就躺在梳化上，而葛斯齊認為照片是窗前倒影可見的長髮女所拍。

最後一張照片攝於汪小菲嘅住所，相中嘅佢正想親吻眼前嘅女子。由於女子眼部打格，葛斯齊亦加以描述：「這女的眼睛是閉起來的，下一個動作就是要接吻。」及後葛斯齊補充，佢手上有10多名女子疑似與汪小菲出軌嘅資料，但有相嘅就只有5位。至於，呢5位女子跟汪小菲搭上時，張穎穎就同緊汪小菲拍拖，張穎穎亦曾於群組大罵男友同男友身邊嘅女人。

葛斯齊指第三張照片，可見汪小菲正想與女子接吻。

說到張穎穎，葛斯齊亦有很多事分享。佢表示早於去年5月底就拍到張穎穎跟住汪小菲從一間酒吧出來，當時拍到後也不知道張穎穎係咩人：「搜尋才知道誰是張穎穎，一開始不認得，因為都是美顏照片。」葛斯齊直指張蘭喺舊年9月就同過汪小菲及張穎穎一齊去爬山，還戴過一樣嘅頸鏈，對於兒子與張穎穎嘅事早就知情，當時汪小菲跟大S仲未正式離婚。對於外界傳張穎穎曾懷有汪小菲嘅孩子，但最後去咗墮胎，葛斯齊話自己手上有證據證明係真嘅。汪小菲為咗將事件壓下來，希望張穎穎唔好亂講出去，仲有送車同送樓畀張穎穎。葛斯齊更大爆汪小菲宣佈與大S離婚當天，就等唔切飛往三亞跟其他女子見面。最後，葛斯齊表示下周仲會開直播，分析手上爆料嘅來源。