湯洛雯馬國明有共識婚禮從簡 自爆曾經扣喉減肥致胃炎

現年35歲的湯洛雯（靚湯）與48歲的馬國明（馬明）拍拖剛滿兩年，經常被追問婚期，靚湯今日以低胸短裙和張天賦（MC）出席《香港結婚節》時笑言快將結婚；並於台上向司儀崔建邦講述夢想中的婚禮。

靚湯和MC今日一同出席有關結婚活動。

靚湯今日悉心打扮出現。

靚湯說：「小時候曾夢想喺主題樂園舉行，好似喺皇宮咁搞盛大婚禮，但依家只係想請好close嘅人、簡化程序嘅歡聚，希望集中喺一對新人嘅開心喜悅上，因為結婚係為回憶而唔係做騷，想以開心及玩嘅態度進行。」靚湯又透露與男友在這方面已有共識，大家都是朝著同一方向進行，她又笑言：「呢樣啱晒佢，因為佢最喜歡著T恤同牛仔褲。」待嫁新娘自然要fit到漏，靚湯直言對自己的身形尚未滿意，正在做針灸及服中藥減肥。

在台上稱會很快結婚，但台下受訪又否認。

坦認早前以十分極端的方法減肥，絕對唔值得支持。

受訪時再問到是否也在調理身體為造人作準備，靚湯即說：「冇咁誇張，係之前用扣喉呢啲極端方式減肥搞到胃炎，依家改用養生方式，個胃已經好好多。」但靚湯卻否定台上一番話、否認快將結婚，她稱是意指疫漸趨緩和可以再作考慮，但即使是考慮也不會立即結婚，始終有很多細節要籌備。

大家真係好想馬明靚湯盡快結婚。

馬明是否都一切聽從她的說話？靚湯甜絲絲直認：「都係，我哋都達成共識想簡單一啲，特別係每年都有大騷、每次着10幾個鐘頭晚裝。」若馬明只肯穿T恤牛仔褲結婚也肯接受？靚湯謂：「我都可以著嚟襯佢呀！」

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。