AK「唔講」生日快樂住 Ian反擊：我係唔會多謝你

咁AK今日講咗未啊？！

MIRROR成員陳卓賢（Ian）今天（9日）29歲生日，一眾Hellosss（粉絲暱稱）已提早安排一連串的生日慈善應援活動。Ian昨日（8日）在社交網貼了與化妝師及造型師齊齊捧著蛋糕的合照，看來大家都是六月之星，Ian寫道：「願望要用力許才會成真，幫大家許埋一份。」好兄弟兼鐵粉AK（江𤒹生）即留言：「聽日先生日，咁早衝出嚟，我係唔會講生日快樂。」lan亦神回：「我係唔會多謝你。」相當搞笑。

唔知呢個生日Ian食咗幾多個蛋糕呢？好關心佢啲腹肌呀！

AK（右）向兄弟送生日祝福都好另類。

眾兄弟祝Ian生日快樂。

至於MIRROR各成員亦非常有心，紛紛在自己的社交網為壽星仔送上祝福，除Edan （呂爵安）、Jeremy（李駿傑）、Frankie（陳瑞輝）、Tiger（邱傲然）分別貼出合照，Stanley （邱士縉）更貼出Ian於後台敷mask剃鬚的短片，笑言：「呢條片每年生日都要拎出嚟一次」；至於身在紐約的姜濤，仍然心繫隊友，今早亦上載與Ian的合照，寫道: 「生日快樂哥~」。

好有愛。

隔空打卡，皮皮最叻！

同老虎仔呢個對視一笑，好Warm呀！

姜濤人在美國都有表示！

暖男Jeremy祝另一位暖男Ian生日快樂。 ​

大表哥對個個成員都好「有心」！

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」