生蠔鮮甜美味,Kelly鍾意食。原來,生蠔生存對環境有利,除咗係海水嘅「過濾器」,蠔礁係唔同本土物種嘅棲息地,但近年流浮山同后海灣周邊水域因氣候變化、環境污染等,導致生蠔大規模死亡。港大聯同本地生蠔業界,成立咗香港蠔孵化場及創新科技研究所,開發創新嘅孵化技術,希望喺二○二四年供生蠔養殖者採用新技術,令流浮山再成生蠔嘅孕育場。

港大將會喺校內設立一個具研究規模嘅生蠔孵化場,採用新式孵化技術提高蠔苗產量,蠔苗長成後,會移至鶴嘴海岸保護區嘅太古海洋科學研究所進行監測,蠔苗生長穩定後,才將之供應給養殖者。孵化場將於七月開始營運,該項目將生產三種本地生蠔品種蠔苗,包括香港牡蠣、近江牡蠣和葡萄牙牡蠣,預計每年可生產約一萬串蠔苗,而每串大約附有二百隻蠔苗。

漁農自然護理署高級漁業主任(水產養殖)周永權話,生蠔孵化場可以展現本地蠔苗生產喺技術上和經濟上嘅可行性,亦可以令具抗病能力嘅生蠔生長更快,並且改善本地生蠔養殖者嘅生計。

港蠔孵化場及創新科技研究所發起人、港大生物科學學院和太古海洋科學研究所華俊博士話,希望呢個生蠔孵化場能夠促進跨學科研究,亦可以令零碳排放嘅生蠔養殖業更加現代化,佢哋都與世界各領導者作緊密聯繫,運用大數據和機器學習工具培育出高品質嘅蠔苗。
Kelly Chu■港大舉行香港蠔孵化場啟動會議。

■港大舉行香港蠔孵化場啟動會議。

■港大舉行香港蠔孵化場啟動會議。

KellyChu - 港大培育高質蠔苗 助流浮山重現光輝|Executive日記

KellyChu - 港大培育高質蠔苗 助流浮山重現光輝|Executive日記