與葉蒨文周筆暢合唱《談情說愛》 炎明熹獲睇好開個唱嚇到眼凸

受寵若驚的Gigi一度嚇至眼凸兼坐唔穩，好搞笑！

無綫電視（TVB）與芒果TV合作的《聲生不息》今晚（12日）競演主題為「港樂與我的『葡萄成熟時』」上半場。每集都會搞搞新意思的製作組，這次除了再玩「交換隊員」，還請來楊丞琳及周柏豪當特邀嘉賓，最終毛不易及單依純被獲邀過檔另一隊，令節目之後的獻唱組合更添新鮮感。

今輪克勤同千嬅隊各有四個回合主場。

今晚呢集係今輪嘅上半場，歌手及歌單如圖。

除了人腳，本輪比賽模式亦與過往有點不同，會分成九個回合進行「合作獨唱大混戰」，當中有四個回合分別是克勤隊及千嬅隊主場，最終回則是兩隊「長勝將軍」葉蒨文（Sally姐）及李健的決勝對決！

下一集嘅「長勝將軍」決勝局相當精彩。

李克勤、單依純《這麼近（那麼遠）》VS Sally姐、周筆暢（BB）、炎明熹（Gigi）《談情說愛》

李健、李玟《一生何求》VS 曾比特《灰姑娘》

林子祥、魔動閃霸、馬賽克樂隊《真的漢子》VS 楊丞琳《愈難愈愛》

周柏豪、林曉峰《我們都是這樣長大的》VS 楊千嬅《最後的玫瑰》

對於Sally姐、BB及Gigi首度攜手合唱，主持王祖藍相當興奮，並向著之前與BB及依純合唱《高山低谷》的千嬅表示：「這個才是真三代，你那個是兩代半」，令千嬅哭笑不得。為隆重其事，Gigi、Sally及BB造型方面夾到絕，三人均是花漾＋牛仔Style，凸顯「三代同心」。

三代女歌手出場前接受訪談。

Sally出場前透露《談情》原是獨唱版本，但因有人提議她跟鄭秀文合唱，Sally也因想嘗試Duet欣然答應。Sally邊說邊興奮謂：「希望第二日有機會可以同Sammi一齊唱。」說畢更指向Gigi：「你到時做演唱會加埋我哋啦！」受寵若驚的Gigi一度嚇至眼凸兼坐唔穩，場面搞笑。

Gigi被Sally姐嚇倒連環圖。

Gigi被Sally姐嚇倒連環圖。

Gigi被Sally姐嚇倒連環圖。

Gigi被Sally姐嚇倒連環圖。

感情要好的三人，笑著相擁出場之餘，合唱時你一句、我一句默契十足；三人還特意邀請魔動閃霸為歌曲編寫說唱部分，由Gigi與筆筆負責對Rap。全情投入的Gigi除了Rap時「霸氣姐」上身，更是動作多多「有一比一、有二比二」，可愛度爆燈。隊長千嬅聽畢歌曲後大為驚艷，除了透露三人為了說唱部分「練了好久」外，更大讚BB謂：「真正三代好溫暖，我好欣賞BB，佢嘅編曲各樣都好新鮮。

三人合作得天衣無縫。

Gigi舉起「1」嘅手勢，配合番「盡心愛一次」嘅歌詞。

Gigi時而跳脫、時而深情嘅演繹相當吸睛。

今次Gigi為咗配合「最後兩個世界」，舉起「2」字手勢，相當有心思。

霸氣Gigi 大家又鍾唔鍾意？

Gigi、Sally姐、BB默契滿分。

炎明熹一連三場演唱會圓滿結束！

一連三場《大家樂呈獻：炎明熹Gi-FORCE演唱會2024》，昨晚（4月14日）在九龍灣國際展貿中心舉行尾場，亦是去年十月因颱風關係，而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。

《炎明熹Gi-FORCE演唱會2024》來到尾場。

陳煒、陳山聰、姜皓文到場支持。

來到第三場，Gigi依然狀態大勇，又唱又跳表現落力，不過這晚的後空翻動作發生了一個小插曲，正當Gigi完成空翻動作落地時，可能用力太猛，最終Gigi被衛衣的帽「兜頭笠」，完全遮擋了視線，只見Gigi先露出既可愛又尷尬的笑容，之後秒速整理衣服繼續又跳又唱，緩解了這個蝦碌場面。

Gigi表演後空翻。

落地時可能用力太猛，最終Gigi被衛衣的帽「兜頭笠」。

除了唱自己的歌，當然少不了Gigi的「自選歌單」，當中有王菲的《守望麥田》、Serrini的《網絡安全隱患》、及陶喆的《流沙》等，Gigi笑指這張歌單由逾200首歌精心挑選，她又說：「大家知唔知呢場係補場呢？想問吓嗰時（取消）大家有冇失望？」台下即大叫「冇」，Gigi笑住讚歌迷思想正面。

Gigi笑指「自選歌單」由逾200首歌精心挑選。

在過去三場演唱會擔任Gigi音樂團隊成員的林智樂（Felix），來到尾場按捺不住，要在台上公開力讚Gigi，除了唱功了得，抗壓能力亦很強悍：「雖然有好多人讚佢，但有時都有啲好尖銳嘅留言，但佢都冇嘢，更重要係由我啱啱識佢到而家，佢個初心都冇變，對每個人都好好。有時記者朋友問我會唔會羨慕Gigi嘅事業，我覺得唔係羨唔羨慕，而係佢真係好值得擁有！」身旁的Gigi即感動表示，很少聽對方如此認真說話，並感謝對方為自己唱足三晚。

接着，Gigi獻唱《星語心願》，唱到最後那句「讓你知道我愛你」，台下即熱情回應「我都好愛你呀」。她表示小時候看電影《星願》，已經很喜歡電影的男主角，Gigi隨後唱出《對面的女孩看過來》，任賢齊（小齊）此時突然現身合唱，讓樂迷大為驚喜，更全場大合唱為演唱會掀起高潮。唱畢，Gigi說：「畀啲掌聲任前輩。」小齊謙虛感謝Gigi畀機會自己做嘉賓：「 因為我成間公司所有同事都好鍾意Gigi。噚日我喺新加坡做完演唱會返嚟，我啲夥計全部唔見晒，個個都嚟睇你，仲要一張飛都冇留畀我！同事們，聽住，聽日返工唔使咁早，好好享受今晚Gigi嘅演唱會。」他又笑謂Gigi與自己的女兒同一年出世，小齊搞笑說：「人多嘅時候叫我小齊哥，唔好叫Uncle呀。」

任賢齊驚喜現身。

小齊謙虛感謝Gigi畀機會自己做嘉賓。

之後，Gigi送上繡有小齊名字的水樽：「我知你5月份開巡迴演唱會，所以我揀咗呢個，識自己煲水嘅水樽，呢個可以直接煲水，非常方便，我都繡咗你個名喺度。」小齊自嘲年輕的時候仍會飲凍飲：「漸漸就用咗暖水壺啦，好多謝你。我真係成間公司都講，佢係未來嘅天后，希望大家都畀多啲機會Gigi。」最後小齊再為樂迷送上《我是一隻魚》，全場跟著和唱。

小齊讚Gigi是未來的天后。

除了嘉賓夠份量，這晚的驚喜同樣一浪接一浪，開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》，收到大家的訴求後，Gigi特意於補場上送予歌迷，但卻一時感觸唱到喊，幾乎大半首歌要台下歌迷代唱，Gigi說：「我覺得我又代入咗首歌裡面，但唔係愛情，今日係最後一場演唱會，即係今日係最後嘅一次，然後大家要遠離我嘅感覺。點解今晚先揀呢首歌嚟唱？因為我想送呢首歌畀補場嘅大家，但係我真係冇用，成首都唱唔到，要大家幫我，我下次會唱好佢㗎。」台下再次大叫「加油」，為哭成淚人的Gigi打氣。

Gigi特意獻唱新歌《還有一艘救生艙》給予今場補場的歌迷。

感觸落淚。

Encore部份，Gigi特別為尾場的樂迷獻唱《你是你本身的傳奇》，坦言台下每位歌迷都是一個傳奇，一起成就了她的歌手夢，Gigi再一次落淚，對於這個人生第一個演唱會舞台、還有台下的觀眾，充滿不捨之情；唱到演唱會最後一首歌《Only For Me》，Gigi叫大家高舉手機燈和唱，望向這遍燈海，Gigi的淚水再一次滑落，令《大家樂呈獻：炎明熹Gi-FORCE演唱會2024》，在淚水與不捨之情下，感動落幕。

全場大合照。