爸爸鄭少秋捧足場 鄭欣宜獲湯令山跪地送「鑽戒」冧到爆

Joyce即時大叫：「Oh My God！你好大膽，喺我爸爸面前送戒指畀我！」

鄭欣宜（Joyce）昨晚（11日）在紅館舉行第二場演唱會，爸爸鄭少秋（秋官）在觀眾席睇足全場，嘉賓湯令山（Gareth.T）台上跪地向Joyce送戒指時，他還舉手指公讚好，全場起哄。

欣宜落力獻唱。

載歌載舞。

此外，觀眾席上還有胡楓、盧海鵬、姜大衛與太太李琳琳、陳淑芬等一班睇住Joyce長大的前輩，以及Joyce的好友許廷鏗、彭秀慧、佘詩曼、馮允謙、C AllStar的梁釗峰和何建曦（Jase）和雲浩影（Cloud）等，完場後Joyce跟他們大合照，非常熱鬧。

一班睇住欣宜長大嘅長輩胡楓、姜大衛同太太李琳琳等，仲企起身一齊睇。

同爸爸後台合照。

欣宜真係好多人錫。

佘詩曼都有撐場。

昨晚觀眾亦特別熱情，三度Encore不肯離場，Joyce換了便服上台笑言已將歌單唱完，向觀眾大派心心，最後她唱《有故事的人》以謝支持。

欣宜三度Encore，換上便服獻唱最後一首歌《有故事的人》以謝支持。

而昨晚紅館舞台變成「冧爆Joyce專區」，不時有男觀眾大叫「I Love You」，就連兩位表演嘉賓，Gareth.T和馮允謙（Jay Fung）都分別向Joyce單膝跪地，一個送戒指，一個唱情歌，冧爆Joyce 。在Joyce介紹Gareth.T出場時，她說：「我細個夢想有個細佬，可能因為屋企女人多，缺乏陽氣，好想有一個細佬，我可以做家姐。最好有才華，迫佢同我唱歌和寫歌畀我。」然後合唱Gareth.T英文歌《Boyfriend Material》，並多謝他為今次演唱會創作主題曲《我地》，其才華完全乎合她心目中好弟弟的要求。

湯令山單膝跪地送戒指，欣宜話佢好大膽。

不過，Gareth.T表示有一份禮物送給Joyce，但不適宜以「弟弟」身份送出，然後他跪地遞上玩具「鑽石戒指」，說：「I’m your boyfriend material.」Joyce大叫：「Oh My God！你好大膽，喺我爸爸面前送戒指畀我！」觀眾席上的秋官高舉姆指讚好，全場起哄。Gareth.T還深情地說：「Joyce, will you ……buy my album when it come out. 」原來是請Joyce捧場買他的新專輯，Joyce立即答應。問為何送戒指？他說：「上星期問你最想要咩？你話要diamond ring，我已經盡晒力！」雖然是玩具，但Joyce一樣好感動。

秋官舉手指公讚好，全場起哄。

觀看相關影片按連結：https://youtu.be/UeIVBYUxwoY

而Encore環節Joyce介紹第二位表演嘉賓出場，揚言經常被他的歌聲和笑容迷暈，音樂響起《思念即地獄》，Jay升上台，全場尖叫。兩人深情合唱，Jay 在尾聲一邊唱「It s killing killing me without you girl～」一邊單膝跪地，Joyce驚喜到O咀！最尾她作狀與Jay咀嘴，全場再度尖叫。Jay讚她性感，Joyce撒嬌說：「我好嬲呀！（Why？）你咁樣，我未準備好嘛！你剛才望住我唱歌，係咁電我，我見到你個頭周圍好似有花開咁㗎！」然後Jay話口乾要飲水，拿出印了Joyce肖象的水壺。接著送上蜜糖，他說：「蜜糖即係Honey，樽上面貼咗我哋嘅合照，仲寫住『Just For Joyce』，係你專屬嘅Honey！」Jay連環出冧招，𠱁得Joyce心花怒放。

Jay Fung都有跪地，冧到欣宜暈晒大浪。

即將下月九展開騷的Jay向觀眾說：「我目標係有一日嚟紅館開演唱會，你哋會唔會嚟睇我？」全場歡呼，然後大合唱《地球來的人》。

觀看相關影片按連結：https://youtu.be/grBYLhlUw40

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。