「404登神合體」限定組合好驚喜 Edan貼地問花姐有冇演唱會飛

呢個組合好正啊！

去年ERROR跟古天樂、盧覓雪及「Agent L」曹梓冲一同為某外賣平台拍廣告，今年新一輯廣告則轉用新組合給觀眾新驚喜，就是改由ERROR的吳保錡、郭嘉駿（193），crossover MIRROR的盧瀚霆（Anson Lo）和呂爵安（Edan），不單止有四子，還有他們的經理人黃慧君（花姐）聯同演出，難怪Edan形容是限定組合「404登神合體」。

觀看相關影片按連結：https://youtu.be/hnqD88tzZ1U

廣告甫開始先是保錡和193出場，以為又「翻炒」去年的橋段再拍新一輯廣告，怎料花姐出場大嗌：「停！」此時Anson Lo以一貫型仔登場笑問：「邊個叫我？」接着Edan從Anson Lo身後出現，「登神」再度合體出現，兩人齊齊叫大家今年夏天要試新嘢，之後193和保錡插入搞笑謂：「講乜嘢呀，乜夏天呀，MIRROR冇夏天㗎！」接着四人又互推互撞兼鬥嘴，花姐即出場阻止四人兼說：「你哋四個咪一樣！」十分搞笑。

廣告甫開始，以為翻炒去年……

先有花姐出場好驚喜……

當然唔少得搞搞陣……

真係幾鬼搞笑。

再來「登神」CP出現，相信一眾fans睇得好開心。

登神CP好有愛呀……

四子郁手郁腳又鬥嘴……

花姐出場調停……

之後一段花姐被四子追問，其中Edan問花姐有冇MIRROR演唱會飛，花姐以保錡嘅「港普」腔回答：「蟹有，禾Bu是MY飛DER （我不是賣飛的）」果然夠貼地！片尾還有五人拍攝的花絮及NG片，保錡竟搶先講對白，花姐即鬧他：「冇大冇細。」保錡即鞠躬「耍冧」好搞笑。

當然唔少得四子又唱又跳……

又幾鬼合拍喎……

Edan代一眾鏡粉問花姐有冇演唱會飛……

保錡（左）搶住講對白搞到NG，被花姐鬧……

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。