林德信及英皇新人黎峻一同出席主演的電影《一樣的天空》首映禮。
林德信及英皇新人黎峻今晚（21日）一同出席主演的電影《一樣的天空》首映禮，林德信透露因戲中與米雪和石修一起製作「Hip Hop版昭君出塞」，最終令他有幸與米雪合唱粵曲。
英皇集團主席楊受成博士及林建岳博士等今晚出席《一樣的天空》首映禮。
林德信與黎峻（右）一同受訪。
對於爸爸林子祥和葉蒨文在內地節目《聲生不息》中演出，並大晒恩愛，林德信笑稱二人台上或私下也一樣恩愛，看到二人的演出令他十分掛念，因為小時候經常跟他們走埠登台。問到會否希望到內地跟二人合作？他說：「當然想，看看有沒有機會，他們這次演出好精采，因為所有歌曲重新編曲，我覺得比平時更好聽。」
林德信坦言想到內地與父親林子祥及葉蒨文合作。
同場的黎峻與英皇電影公司簽約一年，已經拍了四部電影，他即多謝公司，並指自己每個演出都好畀心機。今次在戲中他特意用短時間去練習舞獅。此外，他早前與偶像陶大宇合作，拍攝電影《紮職3》，黎峻表示：「大宇哥真是幽默，只要他站出來便令到大家很開心，我好鍾意睇他的《刑事偵緝檔案》系列。」
黎峻（右）簽約英皇電影一年，已拍了四部電影。
林德信透露見到哥哥同妹妹生完小朋友好似好開心、好Sweet，所以都想生BB。
林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」
林德信與孫曉賢日前一同出席酒吧騷。
剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」
林德信完成婚禮兼渡蜜月回港。
Alex指今次渡蜜月，全家都參與其中，所以無閒「造人」。
直言想生BB，生仔生女都冇所謂。
Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」
Alex又希望來年想搞個人騷。
Kendy就建議對方搞音樂節，將音樂、瑜珈、茶道大結合。
雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」
原來Kendy亦有參加Alex的蜜月之行。
而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」
Kendy剛在日本完成兩場音樂會。
Kendy笑指今次冇艷遇，並希望下次去再開騷時，能帶艷遇返香港。
