敖嘉年梁嘉琪首次拍檔做主持 新節目《嘉嘉醫療自助班》大展默契

兩人拍檔後更覺得未夠喉！

敖嘉年和梁嘉琪相識十多年，最近首度合作主持開電視節目《嘉嘉醫療自助班》，兩人都開心表示拍節目有好多得着，因趁機可以瘋狂問醫生問題，除了自己醫學常識有增進，連身邊人都受惠。兩人更加拍到上癮，強烈要求開第二季外，更希望二人再有合作機會，嘉琪最想跟嘉年合作拍劇。

嘉琪大讚嘉年令後輩很安心，令急躁的她都變平靜。

嘉年欣賞嘉琪有諗法，一切拍檔做節目特別有火花。

節目每集就不同主題邀請醫生，拆解坊間好多謬誤與迷思，嘉琪和嘉年都有趁機向醫生請教，嘉琪說：「𠵱家互聯網咁發達，大家有病唔係第一時間睇醫生，而係上網查，包括我自己都係，但愈查就會愈驚，發覺好多病個病徵好似，所以今次每集拍完，我就捉住醫生攞咭片，問佢好多問題，仲幫屋企人問埋。」不過嘉年坦言問完醫生，反而好沮喪，「近年我睇得多電話、電腦，近視同散光都加深咗，食啲坊間補養品希望有幫助，但醫生話食冇問題，維他命對身體有益處，但係可唔可以令到佢變返好？係唔得嘅。」嘉琪即笑言：「死咗條心啦你！」兩人異口同聲話，節目會警惕他們更注重生活習慣，才能保持健康體魄。

嘉年和嘉琪雖然是首次拍檔做主持，兩人都覺得好合拍。

嘉年和嘉琪在節目中會訪問醫生及嘉賓，這集嘉賓有鍾慧冰。

令人安心的前輩

兩人拍檔後更覺得未夠喉，嘉琪更加想跟前輩繼續學嘢，「可唔可繼續呀！？我不嬲好欣賞嘉年，一路都好想同佢合作，每次見到佢，畀我覺得好安心一個前輩。」嘉年搞笑問她：「有啲咩前輩係好危險㗎！？哈哈！」嘉琪再補充，「安心係喺佢面前做任何嘢，都會好包容我，佢又有個好靜嘅氣場，因為我個人好急躁，今次知道同佢合作，第一個反應係『Yes！』。」而嘉年則讚嘉琪聰明，是個好對手，「合作最緊張開心，佢又好活潑，好清楚點樣做，有自己idea，主持方面佢係我前輩，主持嘅火花係好緊要，除咗醫療之外，我哋可以有其他合作。」嘉琪即提議，「我好想同佢拍劇，好想同佢學習。」

嘉年最近忙於為ViuTV新劇《野人老師》開工。

疫情令嘉琪跟朋友合資的服裝品牌K times 2生意大受影響，最近有消費券才稍為好轉。

敖嘉年梁嘉琪狂攞醫生卡片　《嘉嘉醫療自助班》拍上癮

「小真」梁嘉琪與阿寶一同與觀眾互動和大派禮物！

環球影業、夢工場動畫呈獻《功夫熊貓4》，繼早前獲全美雙週票房冠軍，香港也在復活節假期開畫，票房至今大收超過700萬！日前《功夫熊貓4》中的新角色「小真」一角做粵語配音的梁嘉琪更為電影進行謝票，在現場與阿寶一同與觀眾互動和大派禮物！

「小真」梁嘉琪與阿寶一同為《功夫熊貓4》進行謝票。

「小真」梁嘉琪與阿寶一同為《功夫熊貓4》進行謝票。

小真」梁嘉琪與阿寶一同為《功夫熊貓4》進行謝票。

今次第一次為動畫配音的嘉琪表示：「好興奮同緊張，因為同平時嘅表演手法唔一樣，平時做演員可以用好多身體語言、面部表情同眼神去幫助，配音得返把聲就令我諗點樣可以表達得好啲，好彩有配音領班教導我。今次呢個角色同我以往嘅好唔一樣，因為之前搵我扮演嘅角色多數比較斯文，而今次就比較古靈精怪，係我冇接觸過嘅類型，所以係有難度不過又好好玩。」 

梁嘉琪第一次為動畫配音。

梁嘉琪指今次配音有難度但又好好玩。

謝票時嘉琪與觀眾們有不少交流，她說：「散場時有好多觀眾走嚟同我講『原來你就係小真！開頭真係唔認得你把聲，同你平時好唔同。』我聽完覺得好有滿足感，今次唔係易容成功，而係易聲成功！」

梁嘉琪與阿寶一同與觀眾互動和大派禮物。

梁嘉琪與阿寶一同與觀眾互動和大派禮物。

對於《功夫熊貓4》中最喜歡的一幕，嘉琪表示：「當小真後來想做好事嘅時候，卻質疑自己，擔心依家先做會唔會太遲，阿寶就用咗一句說話鼓勵小真『做啱嘅事永遠都唔會遲』，呢句說話唔單止話俾小朋友聽，更多嘅係話俾大人聽，因為有陣時啲大人去到一定嘅年紀，如果想作出一啲改變嘅時候又會擔心已經太遲，但其實只要你認為係正確就唔會太遲，所以我好鍾意呢句說話。」

梁嘉琪與觀看電影的小朋友們合照。

梁嘉琪與觀看電影的小朋友們合照。

與觀眾合照。