Anson Lo 生日應援打造教主碼頭 7.7請巿民免費搭天星小輪

Anson Lo盧瀚霆國際後援會聯同「天星小輪」為全港市民帶嚟「慈善生日月」嘅第二擊。

4月底姜濤生日時，姜糖（姜濤Fans暱稱）畀咗個驚喜全港市民，就係可以於4月30日免費坐電車，當時好多市民讚好，更期待鏡粉為偶像應援，可以造福香港市民，更提議下次可以請搭港鐵、過海巴士、船等交通工具。

早前姜濤生日，姜糖搞電車應援，於姜濤生日當天請全港市民搭電車。

嗱！姜濤誕一年一次，姜糖要再大搞都要等出年，不過香港市民的聲音，盧瀚霆（Anson Lo）啲神徒（AL Fans暱稱）聽到嘞！

AL將於下月7日迎27歲生日。

7月7日是「教主誕」（AL生日），偶像將迎27歲生日，神徒當然要大搞啦！

下月7日全港市民可免費乘搭天星小輪來回尖沙咀至中環。

Anson Lo國際後援會將聯同「天星小輪」為全港市民帶來「慈善生日月」第二擊。 去年AL生日時，「神徒」鋪天蓋地的大型應援，令尖沙咀碼頭變成猶如「教主碼頭」一樣。

明天（27日）起尖沙咀碼頭周圍都係AL。

為了延續這項盛事，今年盧瀚霆國際後援會由6月27日開始，將尖沙咀碼頭外牆換上「Anson Lo & Sontos Giving Day」的主題。

神徒又可以出動打卡！

與此同時，在「教主」生日當天（7月7日)，全港市民更可免費乘搭天星小輪來回尖沙咀至中環。

全港市民都受惠。

同時，於7月2日至7月10日期間，將尖沙咀碼頭及中環7號碼頭打造成「教主碼頭」，碼頭範圍、船內、閘機及樓梯等分別設有「Anson Lo & Sontos Giving Day」主題佈置、「免費乘搭尖沙咀中環」和「HAPPY BIRTHDAY」字句等，一同與市民分享這份喜悅，意義非凡。

仲出周邊商品，以及於本月27日至下月10日，在朗豪坊開Pop-Up Store，收入扣除成本後會做慈善。

盧瀚霆國際後援會希望藉著AL生日，透過今次「免費乘搭」活動為全港市民送上最地道、最貼地的一份禮物，在疫情下發放正能量， 與大眾同舟共濟。

睇嚟呢排尖沙咀碼頭會好多人呀！

為了回饋社會，當中6月27至7月10日於旺角朗豪坊舉辦的「Anson Lo & Sontos Giving Day Pop Up Store」，其中一項周邊產品亦是與天星小輪有關，而整個 Pop-Up Store 的收入扣除成本後，將全數捐予十間本地機構，包括「伸手助人協會」、「無家者同行」、「庭恩兒童中心」、 「拯救貓狗協會」、「阿棍屋」、「大樹下」、「Paws United Charity」、「綠領行動」、「長春社」及「環保觸覺」。

大家仲記唔記得舊年呢塊大型廣告應援板呀？AL上次都有去打卡。

Anson Lo下月7日牛一 神徒應援請全港市民免費搭天星小輪

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。