*

其他文章
囡囡咘咘7歲生日 賈靜雯PO相慶祝兼提醒:不要跟妹妹打架
upload_article_image

林作反對姜濤追星理智「隱衷論」 強調偶像不能食碗面反碗底不可一世

林作繼追擊陳凱琳孖生弟弟Derek求驗DNA後,再惹火頭,就姜濤「隱衷論」發表意見。

「抽水王」林作繼追擊陳凱琳孖生弟弟Derek求驗DNA後,再就「人氣王」姜濤拒絕合照「隱衷論」發表意見,不過今次就戴定頭盔,強調無意挑釁姜糖(姜濤Fans暱稱),也非抽水,他只講出重點來,要不平則鳴,就係追星本身又點會係理智?追星本身就係唔理智行為啦!同時認為偶像不能食碗面反碗底,更不能不可一世。林作呢番理論獲部份支持,為佢負面形象攞返少少分。

林作反對姜濤話追星要理智  強調偶像不能食碗面反碗底不可一世

「抽水王」林作強調係講情理,無意挑釁姜糖(姜濤Fans),也非抽水。

林作曾自誇讚跟姜濤成就同樣咁勁,所以好留意姜濤嘅一舉一動,對於姜濤今日解釋拒同姜糖合照、簽名,甚或錄一句生日祝福嘅難處,林作唔大認同,他喺社交平台留言:「無意挑釁,我自己也有下線係姜生粉絲。但請問追星本身又點會係理智?追星本身就係唔理智行為啦!理智就唔會去追星啦吓嘛?!如果我去追你星,追少少你都會話我癲癲哋啦?就好似同人講:上牀要理智一樣地矛盾。我理智我仲點搞人啊!既然都係不理性行為,咁做就去盡吧!做得就本身係感性行為,我憑什麼要理智!要追就他媽的瘋狂地追!如果唔係點稱得上追星?點稱職?你無需自責!你要自豪可以搞到人地瘋狂。至少你班fans同你齊齊整整留在香港,冇被你搞到遠走加拿大。」

- 閱讀更多 -

往下看更多文章