傳MIRROR 9月孖ERROR齊搞籃球賽 索價1,500貴過演唱會？

仲要只此一場，如果真係搞得成，一定又一場炒飛潮！

男團MIRROR及ERROR當中有不少運動健將，加上成班男仔做運動咁有青春氣息，2020年ViuTV已經睇中某些熱愛運動的成員，開拍以排球為題材的劇集《男排女將》，去年更找來兩個男團一同參與球賽《力圖打排球》。

MIRROR及ERROR中有不少運動健將。

之前ViuTV拍過以排球為題材的劇集《男排女將》。

去年《力圖打排球》係派免費飛嘅。

而今年ViuTV亦照辦煮碗，以籃球為題材開拍劇集《季前賽》，由多位MIRROR及ERROR成員主演，當中包括：姜濤、陳卓賢（Ian）、梁業（肥仔）、郭嘉駿（193）、呂爵安（Edan）、邱士縉（Stanley）。劇集剛剛拍完無耐，昨日（26日）就有傳媒報導，有傳MIRROR今年9月將聯同ERROR於亞洲博覽館搞籃球賽。

今年ViuTV開拍籃球劇《季前賽》。

《季前賽》有MIRROR其中四子參與拍攝。

ERROR有肥仔（右）同193拍《季前賽》。

據指今次籃球賽由商台主辦，形式與多年前他們舉辦的《903全明星籃球賽》相似，找來當紅藝人參與。不過就與去年ViuTV主辦的《力圖打排球》派免費門票不同，這次籃球賽將會售票，而且有傳索價1,500元，貴過MIRROR啲紅館騷門票呀！只此一場，相信隨時又有炒飛潮。加上兩個當紅男團參與，吸引不少贊助商，有指冠名贊助條件要400萬元以上，屆時即使公開發售門票，可能又有好多公關飛扣起要Fans買嘢先有飛嘞！

ERROR Fans都好肯為偶像使錢，可能會食炒價買黃牛飛。

有傳籃球賽的票價要1500元，仲貴過MIRROR紅館騷門票。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。