Nowhere Boys演唱會6.29公售 Nate化身導遊帶觀眾漫遊宇宙

娛圈事

Nowhere Boys演唱會6.29公售 Nate化身導遊帶觀眾漫遊宇宙

2022年06月27日 13:44 最後更新：13:46

Fans準備好未！

樂隊Nowhere Boys將於7月23日，在旺角麥花臣場館舉行的「Nowhere Boys “Know Where to Go” 音樂會 2022」，上周Telegram粉絲優先預購反應熱烈，現宣布後日（29日）起於Cityline公開發售。

尚有三個星期開騷，Nowhere Boys五位成員，除了綵排練歌，還為台上視覺效果設計緊密開會，隊長兼主音Van透露今次歌單和舞台氣氛交由鼓手Nate主理，「Nowhere Boys每次演出嘅歌單都由Nate負責，今次仲會配合埋台上巨型Video Wall，有山有海，有過去有未來，總之好多好靚好特別嘅影像，配合歌曲，帶動全場氣氛。」結他手Ken表示：「我哋夾咗咁耐已經好有默契和感情，Nate今次重任係建立我哋同觀眾嘅感情。」

得到隊中所有成員的信任，Nate表示好開心，「我哋期待呢個騷好耐，所以可以話籌備咗接近7年。過往由觀眾主導我哋rundown，但今次由我話晒事，帶大家去宇宙旅行。所以我想設計一款好似旅行團導遊用嘅旗仔，讓觀眾更投入主題，跟住我去旅行，咁就唔會走失。」至於舞台下則由Van做領隊，照顧樂隊的創作和夾band進度，勞心勞力。

此外，過往Nowhere Boys開騷的周邊產品都大受歌迷歡迎，Van說：「除過往都有嘅tee、袋和毛巾，仲有好多特別為今次演唱會設計嘅紀念品，稍後陸續公布。」

往下看更多文章

獲NWB邀合作《I am All Alone》Live Band版黃淑蔓狀態大勇一Take完成

2024年03月27日 11:00 最後更新：11:03

Nowhere Boy對黃淑蔓有讚無彈，更大讚她是少數做到一Take零瑕疵的歌手！

樂隊Nowhere Boys（NWB）最近邀請「寰亞孻女」黃淑蔓（Feanna）合作，重新灌錄Feanna新歌《I am All Alone》。主音Van表示歌曲的原版有較多後期音效，為了讓樂迷原汁原味細聽Feanna的靚聲，決定錄製Live Band版本。感冒初癒的Feanna錄音前大叫緊張，不過她狀態大勇一Take完成，Nowhere Boy對她有讚無彈，更大讚她是少數做到一Take零瑕疵的歌手！

觀看相關影片按連結：https://youtu.be/VEXeaWcNLSQ?si=cFvYuE4UgcKmU6ob

《I am All Alone》是微電影《I am Not Alone》的主題曲，主音Van透露歌曲一推出已即時收聽，覺得很好聽之餘亦希望有機會與Feanna合作。他說：「聽完嗰刻就諗會唔會有機會同Feanna玩呢首歌，本身嗰個版本比較電音少少，Vocal都好多Auto-Tune。我覺得咁靚嘅聲要有一個Live版本，無Effect遮咗你把靚聲，好開心今日有機會做到呢個Live。」

感冒初癒的Feanna坦言錄音前很緊張，但狀態大勇的她一Take完成，Van大讚Feanna說：「病打咗折扣都咁嘅Level，你話佢Full Power係點？好少歌手係做到一Take無瑕疵！」鍵琴及小提琴手漁佬突加一句：「你（Van）陪佢做到呀！」Van回應：「你知唔知啱啱好大壓力㗎？練咗幾耐呀啲和音。」漁佬點頭笑說：「我知呀。」Van續指：「本身諗住返去剪下、補下Take，但唔使，直接Mix得出街。」

漁佬表示想為Feanna寫歌，獲對方一口答應。當Van問Feanna，公司是否准許她做「Rock妹」時，結他手Ken搶答說：「畀，乜都得。」Feanna笑言：「我覺得應該係得。」他們隨即討論MV情節，Van提議漁佬做《一拳超人》的埼玉，漁佬笑說：「做鐘樓駝俠救美女。」Feanna提出Nowhere Boys五位成員一同做男主角，Van驚訝指：「吓，你個MV會好混亂。」漁佬說：「唔係五個爭一個，係五個養一個，一個女有五爸爸。」Feanna拍手興奮說：「五個爸爸的小孩，歌名已經決定好，Rock嘅」，全場爆笑。

談到為Feanna寫歌的酬勞，漁佬從衫袋拿出一樽止咳丸，他說：「頭先我咳到停唔到，Feanna畀咗粒我食即刻無事。」Van就：「聽講好難食。」親身品嚐過的鼓手Nate形容是「頂唔順嘅味道」，但漁佬卻開聲指覺得味道不錯，身旁的Van突然掩鼻高呼：「我聞到你個味，好臭呀！行開啲！」場面搞笑。Feanna形容止咳丸就像一碗中藥的濃縮版，她說：「我都好唔鍾意食難食、苦嘅嘢，但佢真係好Work。」