老闆呻月薪1.7萬都難請中學畢業文員網民批評該公司眼高手低

社會事

老闆呻月薪1.7萬都難請中學畢業文員網民批評該公司眼高手低

2022年06月27日 20:11 最後更新：20:47

疫情下出現有人無工做亦有工無人做的奇怪現象，有網民發文指，妻子任職的公司老闆想以月薪1.7萬元請文員，要求兩三年工作經驗，中學畢業，中英能力普通就可以，但大呻招聘多時無人合適。結果惹來網民爭議。

有網民在「香港討論區」撰文指，收到求職信之中，比較理想的開價月薪都要求2萬元以上，超出預算。要求1.8萬元或以下的，不是中學未畢業，就是50歲以上，又或者就以前的工作每一份都不多過半年，「唔係話歧視中年人，但中年人比較難融入又真係事實」。有些申請者的求職信錯漏百出，「address 可以寫左 addross, duties 可以寫左 daties, 真係嚇死人」。

該公司於是挑選一些比較正常的人來面試，打算將就一下多個人幫手總好過無。約了8個人來應徵，3個人臨時通知說放棄，2個人無通知下爽約，剩下3個人有現身。第一個女士身穿T恤、三角骨褲現身，不斷強調只想找一份無壓力的工，公司於是表明雖然多數情況下無需加班，但一年中有十次八次要加班半小時至一小時，申請者聽完就說，「佢十分著重work life Balance，上一份工因為都係類似情況而裸辭」。

第二個男士身穿恤衫西褲皮鞋，「但頭髮亂到似約翰遜，問佢嘢九唔搭八，對上幾份工最長嗰份做咗七個月」。第三位女士一路對答都好好像頗正常，但當她詢問公司有否要求員工接種新冠疫苗時，公司無強制但好鼓勵同事打針，現職同事幾乎全部打了三針，「佢突然間好似標童上身咁，好忟憎咁話，如果公司要迫佢打針，佢就會立刻裸辭，佢話上一間公司，係強烈勸喻佢打針，佢就即刻裸辭」。

發文者說，「我知道17K唔係多錢，但17K想請個中五學歷，中英文普通嘅文員，無諗過係咁難囉」。

有網民就批評該公司眼高手低，「17k，又無寫返幾日，返幾點放幾點，其實好低人工，口講無咩要求，但實際要求多多」、「17K請個阿姐都唔得啦」、「17K 文員唔低人工，一般 13-15K，我睇完你 in 人嘅情況，我覺得唔係人工問題，係你哋揀人做問題，又要靚女，又要後生，又要打字快，又要英文好」。

不過也有人認為只是個別事件，「我公司11K請文員。日日都有5-6個上黎見工喎。你乜嘢公司呀？」、「原來個市場有咁差咩?我公司13K內，F5最少，要曾經工作過，仲要兩文三語，紅假，花紅，13個月糧，5天半，一星期就見30幾人.........係唔係我唔係同一個平衡世界?」。

帖文轉載自想請個正正常常17K文員都咁難！

往下看更多文章

大埔林村河現「神秘圓圈群」不規則排列原來係「外星魚」作怪？

2024年04月19日 12:30 最後更新：14:58

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。