三大人氣組合隊長Lokman肥仔Gao首度合作 組限定組合拍廣告

三大隊長比「舞」！

三位人氣組合隊長MIRROR的Lokman、ERROR的肥仔及COLLAR的Gao「舞」功高強，跳彈牀動作駕輕就熟冇難度，表現專業又合拍。

三人轉換不少pose。

三人首度合體拍廣告，除了享受外，亦十分期待7月廣告片正式出街。

Lokman跳到勁高。

Lokman表示自己最愛買衫，夏日炎炎留在家中用信用卡就可以隨時隨地網購，他更推介夏日消費黃金組合：「早上享用豐富早餐，接着買靚泳衣到沙灘曬太陽，再享用精緻下午茶，再購物、享用晚飯及觀賞電影。」一邊享樂，一邊賺取更多優惠。

肥仔「舞」功高強，跳彈牀冇難度。

最愛吃的肥仔，消暑秘笈是想買刨冰機在家中自製刨冰，以及預約酒店Staycation好好享受。Gao最想夏日做SPA按摩，或者Shopping買衫，肥仔隨即問Gao會否想今個夏天買泳衣，她卻說：「我驚大家辛苦了！」在旁兩位男士笑說：「唔辛苦，我們買泳衣才辛苦。」

Gao被問到今個夏天會否買泳衣，笑言驚大家辛苦。

Lokman讚客戶非常「有諗頭」，身旁的肥仔認同之餘，原來他料事如神，笑指以前曾預算過有這樣的合作組合，估不到這麼快就有機會。Gao與兩位師兄合作，分享表示：「知道有這個拍攝機會，非常興奮和緊張。」

肥仔（中）最愛吃，見到西瓜啱晒消暑。

難得合作三人惺惺相惜、互相欣賞對方優點。講到Gao的優點，肥仔先讚：「Gao又靚又可愛，懂得照顧隊員。」

Lokman（中）與Gao開工，指對方太乖巧。

Lokman就讚：「Gao很謙厚，處事冷靜，正能量從心而發。」不過提到缺點，肥仔表示：「有時她太老實，擔心她會被人『搵笨』。」Lokman也有同感，指她太乖巧是優點亦是缺點。

Lokman肥仔互數優缺點 讚Gao謙厚老實容易被搵笨

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」