*

其他文章
抗日戰爭勝利77周年 《人民日報》:開歷史倒車者,必將走入歧途

霸戲哥之日常#285| J2監察站(10):鬥木

如果時光可以倒流,霸戲哥一定揀有得讀木工嘅學校,而唔係着重PhyChemBio嘅so-called傳統名校。點解?讀木工,技藝係跟你一世;讀Physics呢?知道F=ma又點,對你嘅生活係完全冇任何幫助。

所以霸戲哥好羨慕一啲學過木工而又玩得叻嘅人,成日諗如果有機會學,一定會自己設計過晒啲傢私,就算做得唔好,點都好過用實惠、宜家嗰啲倒模傢私咁枯燥乏味。

今集《喂喂喂 你話你係邊個邊個》主角文偉,就係一名木工匠,佢對設計亦有一份執着,鍾意將自己嘅想法注入產品入面,所以每件作品都係獨一無二。文偉本身係裝修師傅,工餘時間就返去自己嘅小天地,設計一啲小擺設,佢形容為「放空」。人生能夠搵到自己嘅天地,又可以寓工作於娛樂,夫復何求?

或者霸戲哥認真諗吓學木工,聽朝走去後山執舊木頭鋸吓先。


霸戲哥

** 博客文章文責自負,不代表本公司立場 **