*

其他文章
隋棠著比基尼出海曬長腿 分享親子日常讚囝囝Olie係暖男
upload_article_image

MIRROR紅館演唱會本月底開鑼 DJ爆有74歲婆婆搶唔到飛喊咗幾日

人氣男團MIRROR將在本月底至8月頭首次在紅館舉行12場演唱會,自優先訂票及公開發售後,瞬間已被搶購一空,不少「鏡粉」(fans暱稱)未能成功搶飛大表失望。港台音樂節目《騷動音樂》主持之一的彬臣,前日(6月30日)便透露一個婆婆搶飛的無助情況,他表示與媽媽突然問他有冇方法購買MIRROR演唱會門票,他非常愕然以為媽媽是「貪得意」跟上潮流,後來媽媽解釋是幫公司的清潔嬸嬸購買,彬臣說:「呢位嬸嬸74歲,未退休。你都知道老人家要去接觸科技嘢真係唔簡單,尤其網上買飛唔似我哋有晒攻略。」

MIRROR紅館演唱會本月底開鑼  DJ爆有婆婆搶唔到飛喊咗幾日

講講吓,本月底就開騷。

MIRROR紅館演唱會本月底開鑼  DJ爆有婆婆搶唔到飛喊咗幾日

彬臣(左)在節目中透露婆婆搶飛過程。

為了想成功購票,彬臣指婆婆更以440元會費加入MIRROR官方歌迷會成為MIRO:「你知老人家都唔係特別捨得使錢,我阿媽話:『佢足足上咗兩日網,最終都撳唔到,仲喊咗幾日,阿仔你有冇方法幫到佢?』」雖然彬臣坦言愛莫能助,但他感受到最大的衝擊反而是一位老人家願意花時間和心機學習上網購票:「我深信佢除咗自己睇之外,可能想同孫仔、囝囝女女一家人去睇,呢個故仔真係令我印象非常深刻,我個心乸乸哋。」有網民得知事件並在討論區發文指為何演唱會沒有關愛座門票,以便長者或行動不便的人士也可以入場睇騷。

- 閱讀更多 -

往下看更多文章