人氣男團MIRROR將在本月底至8月頭首次在紅館舉行12場演唱會，自優先訂票及公開發售後，瞬間已被搶購一空，不少「鏡粉」（fans暱稱）未能成功搶飛大表失望。港台音樂節目《騷動音樂》主持之一的彬臣，前日（6月30日）便透露一個婆婆搶飛的無助情況，他表示與媽媽突然問他有冇方法購買MIRROR演唱會門票，他非常愕然以為媽媽是「貪得意」跟上潮流，後來媽媽解釋是幫公司的清潔嬸嬸購買，彬臣說：「呢位嬸嬸74歲，未退休。你都知道老人家要去接觸科技嘢真係唔簡單，尤其網上買飛唔似我哋有晒攻略。」
講講吓，本月底就開騷。
彬臣（左）在節目中透露婆婆搶飛過程。
為了想成功購票，彬臣指婆婆更以440元會費加入MIRROR官方歌迷會成為MIRO：「你知老人家都唔係特別捨得使錢，我阿媽話：『佢足足上咗兩日網，最終都撳唔到，仲喊咗幾日，阿仔你有冇方法幫到佢？』」雖然彬臣坦言愛莫能助，但他感受到最大的衝擊反而是一位老人家願意花時間和心機學習上網購票：「我深信佢除咗自己睇之外，可能想同孫仔、囝囝女女一家人去睇，呢個故仔真係令我印象非常深刻，我個心乸乸哋。」有網民得知事件並在討論區發文指為何演唱會沒有關愛座門票，以便長者或行動不便的人士也可以入場睇騷。
有網民提議不妨增設關愛座。
MIRROR紅館演唱會本月底開鑼 DJ爆有婆婆搶唔到飛喊咗幾日
12子坦誠公開自己的戀愛狀況。
現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。
MIRROR接受CNN訪問。
MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。
大爆戀愛狀況！
其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」
MIRROR亦分享了工作以外的生活。
除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」
姜濤與Anson Lo期望跟Taylor Swift合作。
在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」
