*

其他文章
邢慧敏晒佳麗賽後開P相 林鈺洧飲香檳賀奪冠
upload_article_image

李克勤《聲生不息》驚喜跳唱 rap贏對手入決賽

克勤全新嘗試!

音樂競賽節目《聲生不息》今日(3日)播出第十一集,今集主題是《勁歌金曲衝刺夜》,所有參賽歌曲必需要曾入選過「十大勁歌金曲」,十六組歌手全部出場,贏得「期待值」最高的隊伍才能於決賽中全員上台演唱。

李克勤

克勤今集跟李健及魔動閃霸一齊演唱《雨夜的浪漫 x 護花使者》,克勤表示:「《雨夜的浪漫》係『十大勁歌金曲』嘅歌曲,《護花使者》就是彩蛋。不過我哋特登唔將《護花使者》個歌名寫出嚟係因為想俾觀眾有個驚喜。《雨夜的浪漫》編曲部份由李健負責;而《護花使者》就係我負責編曲。」

克勤跟李健及魔動閃霸一同演唱《雨夜的浪漫 x 護花使者》。

由於想讓觀眾有耳目一新的感覺,克勤這次的表演特意加入跳舞元素,更認真備戰,提早差不多兩個星期開始準備,「大家都知道跳舞一向都唔係我強項,自己知自己事,所以我提前咗個幾星期去排練,每一日都捉住排舞老師去排練,排咗幾日之後就拉埋魔動閃霸一齊。其實足足排咗超過一個星期,我係抱住一個將勤補拙嘅心態去做,因為喺呢個舞台上我唱咗好多抒情歌,係時候俾觀眾一個驚喜,呢個都係一直想擺入《聲生不息》節目裹面嘅元素,但係要搵一個適合嘅時間去做。」除此了跳舞,克勤更「試新嘢」,跟魔動齊齊玩rap,「廣東話rap嘅歌詞係我自己寫,要感謝魔動一路教我點樣rap,因為對於我嚟講,rap我唔係好在行,但呢個當然係佢哋強項,所以佢哋一路話俾我聽個拍子點樣去唱rap,其實係有tone、有key,係有好多學問喺裏面,絕對係上咗一課。」

- 閱讀更多 -

Tags:

往下看更多文章