許冠傑三代同堂合照超醒神 全家遊主題樂園賀孫囝畢業

日前許懷谷在社交媒體貼出一家人在主題樂園狂歡的相片，其中一張全家大合照中，見到Sam除去太陽眼鏡、穿上無袖恤衫及牛仔褲，戴上cap帽精神奕奕。他跟太太及兩個囝、兩個新抱及四個孫仔孫女一齊影相，Sam同老婆兒孫滿堂，難怪都笑到「見牙唔見眼」，真係完全感受到兩人有幾開心。許懷谷亦以英文留言謂：「祝我們的男孩畢業快樂，他即將離開幼稚園，走向更大的目標，哈哈。」他又透露到主題樂園慶祝，是由姪兒決定。雖然當日天氣晴朗及十分炎熱，但各人都玩得非常開心。

Sam（後右）同乖仔乖孫一齊玩。

懷欣一家四口。

許氏一家去主題樂園，就係為懷谷大囝幼稚園畢業慶祝。