GPS定位揭手機被盜 葵涌22歲青年率友擒獲賊人

近年來，全球定位系統（GPS）日益普及，多次成為警方的破案關鍵。周六有市民於葵涌被人盜去手機，於是立即啟動「尋找iPhone」功能追蹤其行蹤並鎖機，經過一番追趕後，事主終與兩名朋友擒獲賊人並報警處理。

GPS定位揭手機被盜，葵涌22歲青年率友擒賊。

事主徐先生周日在facebook群組「香港突發事故報料區」發文分享追賊經過。他指自己昨晚7時半左右準備搭車與朋友食飯，惟發現手機不翼而飛，女朋友多次試撥打手機，但電話接上後即被人掛斷，他們心知不妙，立即啟動「尋找iPhone」功能鎖機，並留言聯絡持機者歸還，「原本見到仲喺葵興附近移動，突然間好快咁走咗去石蔭附近，之後就開車追，見佢（賊人）係石蔭附近嗰啲定位開始減慢移動，估佢應該落咗車，跟住我哋都落車跟，跟住係一條直路嗰度見到疑似嘅人」。

徐先生兩位將賊人制服。網上圖片

對方見到徐先生等人後，自知行蹤敗露，竟一手將手機丟入坑渠，雙方隨即展開追逐戰，「之後我哋愈叫佢愈走，跑到億萬工廠大廈終於截停佢，佢就開始郁手，攞遮打人」。徐先生的兩位朋友未有退縮，反將對方制服，並報警處理。

影片截圖

徐先生指，今次事件教訓他要袋好手機外，亦讓他明白要善用GPS，「有咩事起上嚟都搵到」。他亦打趣笑言從小到大看警匪片，見到主角叫賊人「唔好走」很好笑，「點知到自己親身經歷嘅時候都係叫（唔好走）」。他亦提醒市民要妥善保管自己財物。

警方表示，周六晚（2日）7時許，警方接獲一名22歲姓徐男子報案，指其手機被人偷去，並根據GPS定位，發現手機在梨木道億萬工業中心附近，並成功截停一名懷疑為賊人的男子。警方到場調查後，拘捕一名62歲姓李男子，涉嫌盜竊。

徐先生兩位將賊人制服。網上圖片

往下看更多文章