為慶祝香港特區成立25周年,旅發局特別準備咗「幻彩詠香江」特別版之「維港光影匯演」,點知七一當天遇上風暴襲港,只好讓路畀佢吹過先,押後到昨晚暹芭遠離,準時喺八點同大家見面,璀璨嘅燈光配合激昂嘅音樂,令人好興奮。

天文台昨午改發一號戒備信號後,旅發局即時宣佈,昨晚「幻彩詠香江」特別版之「維港光影匯演」喺晚上八時上演。呢個特別大型戶外光影節目,喺整個七月份每晚八時舉行,維港兩岸逾五十幢大廈及地點將共同打造以「香港新征程」為主題嘅音樂光影匯演,活動增添了特別燈效及大廈LED屏幕和幕牆影像等元素,點亮香港的夜空,打造繽紛嘅燈光效果,加上動聽嘅音樂,真係好靚,相信咁靚嘅夜景,一定又會登上國際傳媒嘅版面上。
Kelly Chu