張頴康囝囝講錯有兩個媽媽 JW投入「搵啖食」幾乎走光

一眾藝人都玩得好開心！

TVB遊戲節目《開心無敵獎門人》昨晚（3日）在將軍澳電視廣播城進行錄影，招待430位現場觀眾，場面熱鬧。嘉賓陳瀅、周嘉洛、JW王灝兒、張頴康、連詩雅、姜麗文等分成兩隊玩遊戲，張頴康的太太麥雅緻更帶同子女前來捧場，囝囝張迅橋「小花生」在熱身遊戲中順利勝出，當志偉送禮物時問他有多少家庭成員，他即口快快說：「有一個爸爸，兩個媽媽。」全場爆笑。

獎門人曾志偉率新舊主持回歸。

麥雅緻帶同子女捧老公場。

張頴康囝囝張迅橋口快快講錯家庭成員：「有一個爸爸，兩個媽媽。」全場爆笑。

一眾嘉賓之後玩「搵啖食」遊戲時非常投入，不時玩到失重心跌低，鄭融為尊重遊戲除低高跟鞋上陣，但最後失敗而回，JW更幾乎走光；當張頴康在兒子面前成功吃到蛋撻，即時擺出勝利者姿態。

鄭融除高跟鞋應戰，但都食唔到。

JW玩得忘形，烏得太低幾乎走光。

張頴康喺兒子面前成功吃到蛋撻，即時擺出勝利者姿態。

呢「抽」麵長到呢.....

連詩雅（Shiga）和陳家樂宣布訂婚後，經常被稱呼做陳太，她笑言還未正式是陳太，但多謝大家的祝福。有指家樂即將到內地開工？她說：「唔知道，工作嘅事大家都係問佢會清楚啲，我唔係好清楚佢嘅工作，但我哋都信邪，工作未正式落實時都唔會公布，如果佢真係要到內地工作唔會唔捨得，現在科技發達，要聯絡都很方便。」

今集嘅參賽嘉賓。

講到家樂不停叫她增肥，Shiga即表示男女對肥瘦看法不同，指女藝人上鏡會顯肥，自己想瘦一點才會節食，但家樂認為健康最重要，擔心她營養不良，才會不停叫她食多點東西，至於她又可滿意家樂的身型？Shiga說：「嘩！佢一直都好fit，佢對自己身型好有要求，係個勤力寶寶。」又說今次是第2次上《獎門人》，對上一次已經是13年與官恩娜和周柏豪一起，笑謂今次很緊張，擔心自己轉數慢會拖累隊友。

準人妻連詩雅為上鏡靚啲節食減肥。

大家都玩得好開心，SUPER！

招待430位現場觀眾，場面熱鬧。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。