拍《黑金風暴》首演動作戲 趙慧珊獲導演讚達影后級數

林導大讚Aka聰明又有heart！

趙慧珊（Aka）和導演林迪安最近在開電視劇集《黑金風暴》首度合作，雖然這是Aka處女拍劇，但林導卻大讚她既聰明又有heart，拍首場文戲表現已達影后級數，最難得連動作戲一樣值80分，講明該劇開下一季必預她；而林導女兒林沚羿早前參加《聲夢傳奇》入行，他坦承最恨跟囡囡拍戲演父女。

Aka跟林迪安導演雖然是初次合作，但兩人惺惺相惜。

面對林導，Aka坦承未開拍已有一定壓力，「老實講我一開始係有啲怯，因為知道合作嘅係個大導演、荷里活嘅導演。第一次見到林導好緊張，以為佢好嚴肅，但佢竟然知道我個名，叫我慧珊，諗住佢連我係邊個都唔知，真係好親切。」拍落Aka更覺獲益良多，「佢拍動作場面全部都快靚正，就連揸槍手勢咁小嘅嘢都會提我，『記住望住支槍，對眼唔好眨』，跟住我就去試，出嚟個動作真係靚好多。」

Aka在《黑金風暴》演ICAC調查主任，有機會跟黃浩然和李璨琛等前輩偷師。

Aka本身有舞蹈根底，對演動作戲有一定幫助。

林導反而盛讚Aka這個拍劇新丁表現，「我同佢傾咗場戲之後，等佢自己發揮先，佢一演嚇親我，影后嗰啲級數呀！」聽到導演說話，Aka勁開心狂笑，點知只是開始，林導提到拍爆破等動作場面時，再次力讚她，「佢聽我講啲動作時都驚，哈哈！問佢有冇問題，佢講冇問題都有少少震，但feel到呢個女仔得，起碼個口夠膽講冇問題先，有啲會話會彈到塊面喎！但係佢有成功演員必備嘅條件，就係有heart，佢喺做動作嚟講有80分，慢慢再增長，嚟緊第二、三集就有90分。」追問林導是否預告開下季？「睇吓觀眾意見，但係我哋係預咗。」至於係咪會預埋Aka份？林導即搞鬼話：「嘩！一定要啦！冇佢我都唔做，哈哈！」

經常林導調教，Aka揸起槍來似模似樣。

林迪安除了做幕後，一切也有參與幕前工作。

講Aka林導好風騷，提到囡囡林沚羿更加成個冧晒，仲話自跟囡囡3歲時合作過《蜘蛛俠2》後，已經冇合作過，好想跟囡囡再合作，「睇返個女3歲拍《Spider-Man 2》，呢個紀錄就算你煙消雲散後，永遠都喺度，所以有生之年，有套戲我哋飾演返兩父女，都覺得幾正。」

林導女兒林沚羿，早前參加《聲夢傳奇》入行。

林導出任《Spider-Man 2》動作指導，而囡囡林沚羿亦與Tobey Maguire有對手戲。

今晚《今晚食豪D》嘉賓是父女檔，武指林迪安及囡囡林沚羿。

J2（82台）一直致力炮製不同類型綜藝節目，務求一新觀眾耳目。由陸浩明（6號）、名廚楊尚友（Christian）主持；14集自家製旗艦綜藝節目《不如食豪D》，逢周一至周五晚九點半播映。每集請來不同嘉賓、名人，根據他們最難忘、最有故事的菜式為基礎，藉Christian高超烹調技術配以高級食材，打造超豪的「回憶之味」跟嘉賓及觀眾分享。

《今晚食豪D》6號、Christian擔任主持。

今晚嘉賓是父女檔，武指林迪安及囡囡Venus。

因父親關係Venus 3歲便登上荷李活大銀幕。

今晚（1日）同明晚（2日）一連兩集嘉賓，是國際級武術指導林迪安兼演員同囡囡林沚羿（Venus）。Christian自然不會待慢，預備了史上最貴親子炸雞（炸雞配魚子醬）、「教我如何不咬他之一腳傾城」（烤帝王蟹腳配魚子醬香檳汁）。

林迪安同囡囡愛吃炸雞。

Venus暱稱父親為「林爸」。

林迪安搞gag，連譚詠麟《酒紅色的心》歌詞都出埋。

 Christian為林迪安準備燒蟹腳。

林迪安拍《22世紀殺人網絡》時，獲男女主角贈的銀紙夾。

林迪安先後為《22世紀殺人網絡》、《蜘蛛俠2》等荷李活大片擔任武指，連帶當時只有3歲的Venus亦參與《蜘蛛俠2》演出。外表兇神惡煞的林迪安，不單是一名慈父，而且非常詼諧。在搞gag方面，連素有「爛gag王」稱號的6號都甘拜下風。序幕由6號問起兩父女互相稱謂開始，林迪安一臉認真說︰「其實Venus叫我，有個專稱日本名『淋巴暢通』，因為佢成日叫我『林爸』，我話淋巴梗係要暢通唔好塞啦。」金句一浪接一浪，當Christian教授炸雞秘訣，在於先用大火後再收細，林迪安爆出金句︰「『大先』好緊要，我哋年尾咪成日去黃『大仙』還神……」6號這次不甘示弱，即場回贈︰「人哋問你啲嘢使唔使、要唔要呀，我話『唔洗』驚污糟。」但薑始終是老的辣，林迪安為烤蟹腳命名為 「教我如何不咬他之一腳傾城」，菜名充滿電影感。此次，6號最終投降認輸說︰「真係估唔到迪安哥下一句講咩。」

Venus有想過做打女。

林迪安笑言囡囡沒有繼承自己的DNA。

林迪安表示會一直支持囡囡追夢。

節目中Venus被問到會否傳承父親衣缽當打女時，Venus認真的說︰「其實有諗過呢樣，入咗行啲人覺得我好打得，但係由細到大，成日探爹哋班，佢亦都試過教我一兩招，但我真係無乜武打天份。」林爸爸表示每趟開戲前都會安排訓練，囡囡差不多都有參加，但明顯她沒有這方面天份。但仍不忘展現父愛，為Venus打氣說︰「阿女放心去做夢啦，老竇會支持你嘅，I love you。」

昨晚（31日）嘉賓陳葦璇。

陳葦璇自爆韓國練習生生活，差不多是朝8晚12。

此外，昨晚（31日）嘉賓歌手陳葦璇，近日在網上自家頻道推出《素人家居改造系列》大受歡迎，已拍了逾20集。其中一集為一間住了「一人兩貓」的公屋進行大翻新，獲網民激讚。昨晚她以自創的「頹廢旁白」介紹「番海梨梨地」（韓牛他他配海膽）及Ho Ho Hack（肉眼蓋炒年糕）兩道菜。又分享在韓國當練習生的歲月，最搞笑是講似粗口的台山話，要強行翻譯先明內容。

陳葦璇導師上身教6號講台山話，又教他擺影相pose。

陳葦璇在網上的《素人家居改造系列》大受歡迎。