7.1回歸慶典順利完成，國家主席習近平親自南下訪港發表講話，還考察科學園考察。
25周年回歸表演雖然因為8號風球高懸取消現場觀眾出席，但收視大捷，最高達28點，相信是回歸以來最多市民觀賞的一次表演之一，這個意外收穫都算塞翁失馬，証明香港是個福地。
25周年回歸表演收視大捷，最高達28點。
今年的回歸騷因應國家領導人來港，據聞作出多個不同部署，最後擇吉在7.1晚上舉行，沒想到在6時左右，天文台就風球高高掛，幸好TVB事前已做定兩手準備，要求各出席巨星按照正式演出，一絲不苟地預錄節目，像有份演出的成龍事前已和制作單位協調好，所以綵排一次就成功。為了確保制作順利，除了大員曾志偉、何麗全全程指揮外，TVB主席許濤都出席拜神儀式和錄影，負責項目的康文署署長劉明光亦親自督師，連番的籌備功夫最後真的派上用場。
TVB事前已做定兩手準備，要求巨星按照正式演出。
最後，收視的成績表派出來，負責制作的TVB有25點的高收視，轉播的VIU有1.6收視，開視視有1.2點、港台31台有0.3點，合共有超過28點收視，而且整個時段收視率堅挺，顯示收看的市民滿意內容，沒有轉台，晚會透過大氣電波成功入屋。
TVB過去累積豐富的大型節目制作經驗，穩健作風再次發揮作用，同時有價值數千萬元的轉播車裝置，成個騷影像音效有保証，制作出來的節目與各台聯播，負責統籌的康文署更要求中間不能播出廣告，令整個節目一氣呵成，最後取得佳績，成功替新一屆政府送給市民的首份禮物，康文署署長應該飲得杯落。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
