馮允謙喜獲Jace獻第一次 觀眾反應熱烈4度「安歌」

Jay狀態大勇！

馮允謙（Jay）為出道10周年舉行的首次個人演唱會，昨晚（4日）於StarHall舉行第3場，金像導演莊文強、陳柏宇、李幸倪（Gin Lee）、RubberBand主音6號與太太Tim Lui、電影《媽媽的神奇小子》男主角梁仲恆、少爺占、蔡浩然、男子組合ERROR隊長梁業（肥仔）和女子組合COLLAR隊長Gao、芯駖、Winka、Candy和Marf等捧場，其中Marf是Jay的忠實fans，因此全場落力揮動燈棒，又唱又跳，非常投入。

雖然昨晚是第3場，但Jay的狀態依然很好。

COLLAR幾位成員到場睇騷。​

還有ERROR的肥仔。

昨晚表演嘉賓為陳凱詠（Jace），她跟Jay手拖手合唱由男方為她作曲的《Long D》，Jay讚Jace人靚聲甜，又佩服她除了是歌手和DJ，還參演舞台劇，Jace聞言謂：「係好忙，但知道你請我做嘉賓，我一定一定要嚟，今次係我第一次做演唱會嘉賓。」Jay即笑說：「你嘅第一次就畀咗我？」台下即傳出不少笑聲。

Jay曾為Jace寫過歌。

隱約騷下胸肌。

另外，Jay感謝專程從加拿大回港的媽咪；每晚到場支持後回家再煲羅漢果水給他養聲，至於爸爸，Jay笑說：「爸爸嬲咗我，佢嬲我爆佢睇完第一場騷太攰，噚晚寧願喺屋企煲劇，所以今晚都唔嚟！其實爸爸好錫我，每晚完騷返屋企，佢都會煮嘢畀我食。」而且Jay表示其創作深受爸爸影響：「我喺加拿大長大，但爸爸喺香港工作，太掛住爸爸就去摷佢啲嘢，點知搵到佢收埋好多帶。咩帶？錄音帶呀！爸爸特別鍾意梅艷芳、張學友嘅廣東歌，所以我細個成日聽。我發現自己最初寫嘅歌，都有啲90年代廣東歌嘅感覺。」接着Jay選唱張學友的《分手總要在雨天》和張國榮的《不羈的風》兩首經典廣東歌，而昨晚觀眾反應熱烈，足足encore了4次才完結。

昨晚觀眾十分熱情，足足encore了4次。

Jace笑言自己的第一次給了Jay。

Jace任馮允謙個唱嘉賓送上第一次 觀眾超級熱情足足「安歌」4次

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。