宗教信仰是個人的選擇自由，正所謂道不同不相爲謀。一名女網民在「親子王國」討論區發文，指對宗教一向不熱衷，但同事有一日在食飯時候向她分享聖經故事，起初都不以為然，「一日半日其實當聽下佢講嘢」，但聽完一日之後，相隔兩日又去問她是否有空聽道，令她感到無奈，「我真心對那些故事沒太興趣」，於是向網民請教婉拒方法。
設計圖片
發文者解釋，「佢係我食飯既時候講 ，叫我一路食一路聽，我飯都食唔落 」，又指對方在公事上曾經幫助了她，「我第一次真係唔好意思推，因為佢幫過我，一星期一次我當幫下人，但佢隔日黎煩我。我只同佢講遲啲先，有嘢做，我唔知佢醒唔醒」。
設計圖片
有網民就說，「我會直接覆佢無興趣，等佢死心，佢再唔醒目，就飯都唔同佢出去食」、「你越唔好意思拒絕，半推半就，佢就會覺得有希望，覺得總有一日會感染你，而家只係你未夠了解……你要決絕啲，叫佢唔好再講」、「食飯時同佢講番公司嘢...同佢講,公司只係講公司事, 其他嘢唔想/唔方便講」、「首先多謝佢嘅分享, 然後表示自己工作了一天很想輕鬆安靜哋享受午餐， 最後話畀佢知如果有日自己想了解多啲再向佢請教。」
Unsplash設計圖片
有網民就反建議，「同佢講返佛經，要長氣過佢」、「你同佢講佛經故事，阿彌陀佛，善哉善哉」。發文者於是說，「我有諗過擺個佛像係檯，但驚俾佢discriminate 我」。
有人建議，「咁不搵下有無第二份更好的工」，發文者於是說「唔會為佢轉工啦 ，佢又唔係老細，係老細就真係要走」。
帖文轉載點樣去婉拒同事向你傳道
網民不欲同事在午飯時分享聖經故事，想婉拒又怕破壞關係。unsplash示意圖片
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
