*

其他文章
儲錢更要儲肌肉

霸戲哥之日常#292| 懷念大仙

世事就係咁難料,霸戲哥一連幾日都討論過《秋天的童話》、《歲月神偷》同《玻璃之城》,點估到今日就傳出羅啟銳先生逝世嘅噩耗。

羅啟銳先生係HKU畢業,當年嘅Kong U仔絕對係精英中嘅精英,唔係去政府做AO,就去晒大公司度做。佢投身品流複雜嘅電影圈, 多少令人覺得有啲格格不入。而佢拍檔張婉婷同樣係知識分子,作品流露出濃厚嘅人文色彩同文藝氣息,喺商業掛帥嘅影壇極為罕見。

霸戲哥當年喺報館工作,一直好想搵「大仙」做訪問,探討吓當年撰寫《玻璃之城》劇本時嘅心境,可惜最終未能成事。《玻璃之城》係1998年作品,當中穿插唔少九七回歸嘅畫面,令人更加緬懷九七前流行嘅精英主義、「we are the best」常掛口邊嘅輝煌盛世。

歲月可以偷走一個人的生命,亦可以粉碎一座玻璃之城。但歲月永遠抹不去羅先生在世的痕跡,他的儒雅風範和俠道精神,長存在秋天的童話。

霸戲哥

** 博客文章文責自負,不代表本公司立場 **

儲錢更要儲肌肉

積谷防飢,到了中老年紀就要儲錢,準備退休後的生活。 年紀大了,肌肉流 ...