*

其他文章
儲錢更要儲肌肉

霸戲哥之日常#299| 往生

有人追求長生不老,有人渴望永垂不朽。但人死燈滅,殘餘嘅軀殼最終化作養料,循環再生。如果要科學化啲咁講,就係人體組織分解再重組,成為其他物質。邊個講法都好,基本上人一死,喺呢個世界上就唔會再有任何聯繫。

呢番說話今日講都仲未錯,但5年後就好難講。

霸戲哥之前介紹過嘅Netflix紀錄片《未來的》,其中一集題材係往生。科學家已經着手研究,人死後依然可以同世界聯繫。現時已經有綠色葬禮,遺體唔再火花,而係轉化為肥料(compost),再用嚟種樹。換句話講,棵樹就係先人嘅after life。

以現今科技,每人死前都會留下好多視像、照片同聲音記錄,呢啲統統可以儲存喺digital世界。試想想將呢啲data同棟樹結合,咁後人「拜祭」棟樹時,就可以一覽先人嘅生存記錄,亦可透過電腦科技,重塑番死者生前原貌、還原聲線,甚至透過AI同在世者對話。

從此以後,人死唔係終結,而只係另一個開始。

霸戲哥

** 博客文章文責自負,不代表本公司立場 **

儲錢更要儲肌肉

積谷防飢,到了中老年紀就要儲錢,準備退休後的生活。 年紀大了,肌肉流 ...