馮允謙計劃送鑽石戒指 作媽媽生日禮物

好孝順！

馮允謙（Jay Fung）今日（9日）出席六福珠寶在屯門V city舉行的頒獎禮，並化身星級店長及頒獎嘉賓，為冠軍得獎情侶親自介紹品牌的婚嫁產品外，更為他們獻唱一曲《報復式浪漫》，送上甜蜜驚喜，而六福集團副行政總裁黃蘭詩小姐則特地向Jay送贈紀念禮物。

馮允謙收到紀念禮物。

馮允謙獲好多粉絲到場支持。

一齊合照。

Jay早前完成4場演唱會，心情仍很興奮，日前又推出新歌《給缺席的人唱首歌》，稱新歌是送給已離世的嫲嫲，對他很有意義：「今日又幫Gin Lee寫咗首歌，都開心一直有工作，加上又見到粉絲來支持，他們來看演唱會時叫得很落力，幾乎每首歌都識唱，我都想繼續開騷，希望可以開多啲，如果可以keep住開就keep住，之前以為做4場會很累，但其實又唔係。」

馮允謙被問到揀婚戒話會慢慢處理，但又唔想太慢。

此外，Jay又說最感動是媽媽專誠由加拿大回港睇騷，透露後日（11日）是母親的生日，兩母子已約好一起做facial，笑指自己都注重護膚，又會帶媽媽到六福買禮物，指媽媽的品味很高，喜歡鑽石戒指，問他可會順道揀求婚戒指？他稱現在專心工作，慢慢處理，但隨後笑言不希望太慢。其他工作方面，他表示以寫歌為主，即使之後有個小假期休息都是會繼續寫歌，但不會給自己太大壓力。講到弟弟去到外地旅行，Jay笑言不想找他，每次看到他去玩的相都覺得好嬲，等他回來後再講。

馮允謙好落力介紹。

王曉君開心是市道慢慢復甦，多了不少主持的工作。

另外，同場的司儀王曉君表示近來疫情放緩，多了不少主持的工作，最開心是市道慢慢復甦，人人有工開，也希望有機會再與香港開電視合作，並謂兩個小朋友已考完試，都有為他們安排暑假活動如到水上樂園玩。問到可想到外地旅行？她笑說：「我想去日本，之前見日圓跌都有兌，一跌就兌，不過老公話我太早換，現在的匯率更低。」

馮允謙為母親慶祝生日 陪做Facial睇珠寶揀禮物

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。